ویب ڈیسک: غزہ میں اسرائیلی جارحیت کا سلسلہ نہ تھم سکا، تازہ بمباری کے نتیجے میں مزید 78 فلسطینی شہید ہو گئے جبکہ درجنوں افراد زخمی ہوئے ہیں۔
عرب میڈیا کے مطابق غزہ سٹی میں بمباری سے 39 فلسطینی شہید ہوئے جبکہ کئی گھر ملبے کا ڈھیربن گئے۔
بمباری سے امداد لینے کے منتظر 9 فلسطینی شہید ہوئے جب کہ خوراک تقسیم کرنے والے دو امریکی امدادی کارکن بھی زخمی ہوئے۔
عرب میڈیا کے مطابق غزہ ہیومنٹیرین فاؤنڈیشن کے باہر حملوں میں 743 فلسطینی شہید ہو ئے، فلسطینی شہدا کی مجموعی تعداد 57 ہزار418 ہوگئی۔
دوسری جانب اسرائیل نے لبنان کے مختلف مقامات پربھی بمباری کی۔
اسرائیلی فوج نے یمن کے بندرگاہی علاقوں کے مکینوں کو انخلا کی وارننگ بھی دے دی۔