(مانیٹرنگ ڈیسک)  اسپین میں سگریٹ لائٹر سے کپڑے دھونے والی مشین  میں خوفناک دھماکا ہوا جس کی ویڈیو سوشل میڈیا پر تیزی سے وائرل ہورہی ہے۔ 

 بعض لوگ کپڑوں میں چیزیں رکھ کر بھول جاتے ہیں اور جب واشنگ مشین میں کپڑے دھل کر آتے ہیں وہ چیزیں خراب ہوجاتی ہیں۔ وائرل ویڈیو میں دیکھا جاسکتا ہے کہ ایک شخص لانڈری مارٹ سے باہر نکل رہا ہے اور قریب ہی واشنگ مشین میں کپڑے دھل رہے ہیں۔ اچانک ہی واشنگ مشین کا ڈھکن کھلتا ہے اور دھماکا ہوجاتا ہے جس کے نتیجے میں دروازے کے شیشے ٹوٹ جاتے ہیں اور ہر طرف تباہی کا منظر ہوتا ہے۔

Someone didn't check their pockets pic.twitter.com/MjpK5mPba7

— OnlyBangers (@OnlyBangersEth) April 2, 2023

خوش قسمتی سے اس شخص کی جان بچ گئی کیونکہ وہ چند سیکنڈز قبل ہی باہر نکلا تھا۔

 میڈیا رپورٹس میں دعویٰ کیا گیا ہے کہ ہوسکتا ہے دھماکے میں بچ جانے والا شخص اپنی جیبیں چیک کرنا بھول گیا تھا اور اس نے اپنے کپڑوں میں سگریٹ کا لائٹر چھوڑ دیا ہو جس سے بظاہر یہ دھماکا ہوا۔

 مذکورہ ویڈیو سوشل میڈیا پر تیزی سے وائرل ہورہی ہے اور صارفین کی جانب سے اس پر تبصرے بھی کیے جارہے ہیں۔