بلاول بھٹو نے بڑا فیصلہ کرلیا، حکمران جماعت کی نیندیں اڑ گئیں


 (شہزاد خان) چیئرمین پیپلزپارٹی بلاول بھٹو نے براہ راست عوام میں جانے کا فیصلہ کر لیا۔ بلاول بھٹو آج لاہور اور کل منڈی بہاﺅالدین میں ممبر سازی مہم کا آغاز کریں گے۔

یہ بھی لازمی پڑھیں:بولو لاہور 19نومبر 2018   

سٹی 42 کے مطابق پاکستان پیپلز پارٹی کے چیئرمین بلاول بھٹو ٹھوکر نیاز بیگ لاہور میں ممبرسازی مہم کے سلسلے میں کارکنوں کے اجتماع سے خطاب کریں گے۔ ٹھوکر نیاز بیگ میں بلاول بھٹو پارٹی رہنما امجد جٹ کے ڈیرے کادورہ کریں گے کل وہ منڈی بہاﺅالدین میں تین مختلف مقامات پر ممبر سازی کیمپوں کا دورہ کریں گے۔

پارٹی ذرائع کے مطابق بلاول بھٹو سابق ایم پی اے آصف بھاگٹ کے حلقے کا دورہ بھی کریںگے۔ وہاں سے وہ گوجرہ جائیں گے۔ بلاول بھٹو بھاگٹ، مانگٹ اور گوجرہ تینوں مقامات پر عوامی سے خطاب کریں گے۔ لاہور اور منڈی بہاﺅالدین کے بعد بلاول بھٹو 10 مئی کو لیہ میں جلسہ عام سے خطاب کریں گے۔