دوہری شہریت: تفصیلات فراہم نہ کرنے والے افسران کی فہرست جاری


 ایف بی آر نے دوہری شہریت کے حوالے سے تفصیلات فراہم نہ کرنے والے کسٹمز سروس کے افسران کی فہرست جاری کردی۔ شہریت کی معلومات فراہم نہ کرنے والوں میں گریڈ سترہ تا بائیس کے افسران شامل ہیں۔

تفصیلات کے مطابق دوہری شہریت کی تفصیلات فراہم نہ کرنے والے افسروں میں ممبر ٹیکنیکل کسٹمز ایپلنٹ ٹربیونل عمران طارق، ڈائریکٹر سی ایس اے فضل یزدانی خان، سیکرٹری واپڈا عامر احمد شامل ہیں۔

ممبر ٹیکنیکل کسٹمز ایپلنٹ ٹربیونل سعود عمران احمد، مہناز بھور، ایڈیشنل کلکٹر کسٹمزاپریزمنٹ جواد علی شاہ کا نام بھی دوہری شہریت سے متعلق تفصیلات فراہم نہ کرنے والے افسروں میں شامل ہے۔

یہ بھی پڑھیں۔ایف بی آر نے کمرشل پراپرٹی مالکان کی رینٹل انکم کی تفصیلات حاصل کرلیں

یہ بھی لازمی پڑھیں:سردی آئی نہیں اور گیس غائب

  ایف بی آر نے عندیہ دیا ہے کہ شہریت سے متعلق تفصیلات فراہم نہ کرنےوالے افسروں کو صرف پاکستانی شہری تصورکیا جائے گا۔