سٹی 42: فیکٹری ایریا میں 4بہنوں کےمبینہ اغوا کا واقعہ پیش آیا، پولیس نے قاسمہ بی بی کی مدعیت میں مقدمہ درج کیا۔ بچیوں کی والدہ نے کہا کہ گھریلو ملازمہ ہوں،کام کاج کے بعد گھر پہنچی تو بیٹیاں غائب تھیں۔
فیکٹریا ایریا کے علاقے میں 4 بہنوں کے مبینہ اغوا میں بڑی پیشرفت سامنے آئی ہے۔ پولیس نے چاروں بچیاں مقامی رکشہ ڈرائیور کے گھر سے بازیاب کرالیں اور رکشہ ڈرائیور اصغر کو حراست میں لے لیا ہے۔ رکشہ ڈرائیور نے بچیوں کو اپنے گھر میں رکھا جبکہ پولیس نے بچیوں کو تحویل میں لے ہے۔ رکشہ ڈرائیور کی اہلیہ کا کہنا ہے کہ شوہر نے بچیوں کو پوش علاقے میں اتارنے کا کہا تھا۔
لاہور پولیس نے فوری کاروائی کرتے ہوئے تھانہ فیکٹری ایریا لاہور کی حدود سے اغواء ہونے والی چاروں بچیوں کو چند گھنٹوں میں بازیاب کرا لیا۔ اس واقعہ کا وزیراعلی پنجاب اور آئی جی پنجاب نے نوٹس لیا تھا، بچیوں کو والدہ کے حوالے کر دیا گیا۔@DIGOpsLahore https://t.co/Q0NAzTTIfq pic.twitter.com/avqAWpKvgS
— Punjab Police Official (@OfficialDPRPP) January 6, 2022
دوسری جانب چاروں بچیوں کے گھر سے جانے کی کلوزسرکٹ فوٹیج بھی سامنے آگئی ہے۔ بچیاں خود گھر سے رکشہ ڈرائیور کے گھر تک گئیں۔ رکشہ ڈرائیور کے گھر کے بعد بچیوں کو کہیں نہیں دیکھا گیا۔
پولیس کا کہنا ہے کہ رکشہ ڈرائیور نے بچیوں کو بغیر تحقیق گھر میں رکھا جبکہ فوٹیج اور ملزم کے بیان کی روشنی میں مزید تفتیش کی جائے گی۔