وزیر اطلاعات پنجاب عظمی بخاری نے  پیپلز پارٹی کے رہنماؤں کے پنجاب کے خلاف  بیانات پرسخت ردعمل ظاہر کیا اور کہا، کسی صوبے کے معاملات میں مداخلت کرنا غیر آئینی ہے۔   کسی صوبے کے معاملات میں مداخلت کرنا غیر آئینی ہے۔

پنجاب کی وزیر اطلاعات عظمی بخاری نے کہا، پیپلزپارٹی کی سندھ کی قیادت مسلسل پنجاب کے معاملات میں مداخلت کرکے آئینی اختیارات سے تجاوز کررہی ہے۔

عظمی بخاری نے کہا، جو ہر بات پر “مرسُو ں مرسُوں” کرتے، وہ صوبائیت کارڈ کھیل رہے ہیں۔ آپ تو یا اپنے حواس کھو بیٹھے ہیں یا مریم نواز کی مقبولیت سے خوفزدہ ہیں۔

 عظمیٰ بخاری نے کہا،   دو ہفتے پہلے میڈیا پر آپ کو کوئی گھاس نہیں ڈالتا تھا۔   آج آپ پنجاب کے سیلاب متاثرین اور کسانوں پر فقرے بازی کر کے خبروں میں جگہ بنا رہے ہیں۔  سندھ میں آپ کی حکومت ہے آپ نے کسانوں سے گندم کیوں نہیں خریدی اس کا جواب قوم کو دیں۔

عظمیٰ بخاری نے پیپلز پارٹی کے لالہ موسیٰ سے تعلق رکھنے والے مقامی لیڈر کا نام لئے بغیر ان پر تنقید کی اور کہا،  پنجاب میں رہتے ہوئے سندھ کے وڈیروں کی غلامی کب تک کرتے رہیں گے۔

وزیراطلاعات نے کہا،  پنجاب کا پانی زیر استعمال لانے کے لیے پنجاب کو کسی دوسرے صوبے سے اجازت لینے کی ضرورت نہیں۔ پنجاب کے تمام وسائل پر پہلا حق پنجاب کے عوام کا ہے۔ مریم نواز پنجاب کے کسانوں کو انکے پانی کا حق ہر صورت دلائے گی۔

مریم نواز پنجاب کے عوام کے حق کی بات کرتی ہیں تو آپ کو تکلیف کیوں ہوتی ہے۔ جس صوبے میں پیپلزپارٹی کی 17 سال سے حکومت وہاں مسائل کے انبار لگے ہیں۔

عظمیٰ بخاری نے کہا،   پنجاب یاد رکھے گا پنجاب کے عوام مشکل میں تھے تو پیپلز پارٹی نے ان کی مشکلات کا مذاق اڑایا۔ عوام پیپلز پارٹی کا یہ منفی رویہ کبھی بھولیں گے نہیں۔