(زین مدنی ) گلوکار و اداکار علی ظفر کی نوجوانوں کے ساتھ سڑک پر کرکٹ کھیلنے کی ویڈیو سوشل میڈیا پر تیزی سے مقبول ہورہی ہے، کرکٹ کے شوقین شوبز فنکار نہ صرف کرکٹ دیکھنے کا شوق رکھتے ہیں بلکہ اکثر اوقات آپس میں فنکاروں کی ٹیم بنا کر بھی کھیلتے ہیں جس کی اکثر ویڈیوز دیکھنے میں آتی ہیں۔
بین الاقوامی شہرت یافتہ اداکارہ و گلوکار علی ظفر کی ایک اسی طرح کی منفرد ویڈیو سوشل میڈیا پر وائرل ہوئی ہے جس میں وہ کرکٹ کھیلتے نظر آرہے ہیں۔
فیس بک پر وائرل ہونے والی ویڈیو میں علی ظفر نوجوانوں کے ساتھ رات کے دو بجے سڑک پر کرکٹ کھیل رہے ہیں۔ علی ظفر کنسرٹ مکمل ہونے کے بعد واپسی اپنی منزل کی جانب جانے کے دوران نوجوانوں کو کرکٹ کھیلتا دیکھ کر رک گئے اور خود ابھی ان لوگوں کے ساتھ کرکٹ کھیلنا شروع کردی۔
گلوکار کی اچانک سے آمد پر وہاں موجود لوگ انہیں اس طرح دیکھ کر حیران ہو گئے اوران کے تصاویر بھی بناتے رہے۔