سٹی42: کینیڈا اور امریکہ کے درمیان ٹرمپ ٹیرفس پر کشیدگی اس وقت مزید آگے بڑھ گئی جب امریکہ کے صدر ڈونلڈ ٹرمپ کے کینیڈا سے آنے والی مصنوعات پر 25 فیصد ٹیرف نافذ کرنے کے بعد کینیڈا کے صوبہ اونٹاریو کے سربراہ ڈگ فورڈ کنے امریکہ کی بجلی منقطع کرنے کی دھمکی دے دی۔ ڈگ فورڈ نے منگل کے روز کہا کہ وہ ٹیرف پر امریکہ کی بجلی کاٹ سکتے ہیں۔
اونٹاریو کے پریمیئر کا کہنا ہے کہ وہ 'مسکراتے ہوئے امریکہ کے لیے انرجی کی سپلائی منقطع کرنے کے لیے تیار ہیں
اونٹاریو کے پریمیئر ڈگ فورڈ کنے کہا، اگر صدر ڈونلڈ ٹرمپ کینیڈا کے خلاف ٹیرف جاری رکھتے ہیں تو وہ امریکا کو بجلی کی سپلائی بند کرنے کے لیے تیار ہیں۔
فورڈ نے اپنے سزا دینے کے منصوبوں کا اعلان اس کے فوراً بعد کیا جب ٹرمپ کی جانب سے کینیڈا کے درآمدی سامان پر 25% ٹیرف اور کینیڈین توانائی پر 10% ٹیرف لاگو کیا گیا۔
فورڈ نے کہا کہ وہ تین امریکی ریاستوں: مشی گن، نیویارک اور مینیسوٹا کو کینیڈا کو برآمد کی جانے والی بجلی پر اپنا 25% سرچارج لاگو کریں گے۔
ڈگ فورڈ نے وارننگ دی کہ اگر امریکی محصولات میں اضافہ ہوا، تو وہ ان ریاستوں کو کینیڈا کے پاور ہاؤس سے انرجی سپلائی مکمل طور پر منقطع کرنے پر غور کریں گے۔
کینیڈا کے وزیراعظم جسٹن ٹروڈو نے اسی دوران کہا ہے کہ ٹرمپ کے ٹیرف کینیڈا کی معیشت کو تباہ کرنے کے لیے بنائے گئے ہیں۔
اونٹاریو کے پریمئیر ڈگ فورڈ کا ردعمل وزیر اعظم جسٹن ٹروڈو کی طرف سے خود اپنے جوابی اقدامات کا اعلان کرنے کے بعد سامنے آیا ہے – جسٹن ٹروڈو نے امریکہ سے امپورٹ کی جانے والی 30 بلین کینیڈین ڈالرز کی کموڈٹیز پر فوری طور پر 25 فیصد ٹیرف لگا دیا ہے۔
کینیڈا کے سب سے زیادہ آبادی والے صوبے اور سب سے بڑی معیشت اونٹاریو کے رہنما کے طور پر، فورڈ کے متعلق کہا جاتا ہے کہ وہ اپنے طور پر اتنی طاقت رکھتے ہین کہ امریکہ کے صدر کو سبق سکھانے کی کوشش کر سکتے ہیں۔
ڈگ فورڈ نے اونٹاریو میں امریکی کاروباروں پر پابندیوں کا آغاز کر دیا
ڈگ فورڈ نے امریکی کمپنیوں کو اونٹاریو کے بنیادی ڈھانچے کے منصوبوں پر بولی لگانے پر پابندی لگا دی، اور اس نے ایلون مسک کے سٹار لنک انٹرنیٹ فراہم کنندہ کے ساتھ $100 ملین کا معاہدہ منسوخ کر دیا۔
ڈگ فورڈ نے یہ بھی کہا کہ انہوں نے ان تین امریکی ریاستوں کمشی گن، نیویارک اور مینی سوٹا کے قانون سازوں سے رابطہ کیا ہے تاکہ وہ ٹرمپ پر دباؤ ڈالیں کہ وہ کینیڈا کے خلاف محصولات واپس لینے کے لیے دباؤ ڈالیں - یا اپنے حلقوں کو اندھیرے میں چھوڑنے کا خطرہ مول لیں۔
ڈگ فورڈ نے کینیڈا کے دیگر صوبوں کے وزیر اعظموں پر بھی زور دیا کہ وہ اس کی پیروی کریں۔
لیکن فورڈ کے امریکہ کے لئے بجلی کی ایکسپورٹ پر ٹیرف نافذ کرنے کا وقت واضح نہیں ہے۔
فورڈ نے میڈیا کو بتایا کہ اگر ٹرمپ کے ٹیرف "برقرار رہے" تو وہ بجلی پر ٹیرف نافذ کریں گے۔
انہوں نے کہا کہ وہ ٹیرف جلد نافذ کرنے کے لئے نئی قانون سازی سے بچنے کے طریقے تلاش کر رہے ہیں، جس میں ہفتے لگ سکتے ہیں۔ انہوں نے کہا کہ ہمیں فوری طور پر کام کرنے کی ضرورت ہے۔
ڈگ فورڈ نے مزید کہا، "اگر وہ اپریل میں مزید آگے بڑھے، تو ہم ان کی بجلی کاٹ دیں گے۔"