چند روز قبل ہی کار حادثے میں بھارتی ریاست کیرالا کی سابق حسینہ کی موت ہو گئی تھی ،ان کی آخری پوسٹ سوشل میڈیا پلیٹ بہت وائرل ہو رہی ہے۔
آنسی کبیر نے انسٹاگرام پر ویڈیو پوسٹ کرتے ہوئے لکھا تھا کہ یہ جانے کا وقت ہے۔ سوشل میڈیا پر وائرل ہونے والی ویڈیو میں دیکھا جاسکتا ہے کہ کار حادثے میں موت کا شکار ہونے والی حسینہ سر سبز وادی میں خوبصورت نظاروں سے لطف اندوز ہورہی ہیں۔
واضح رہے کہ چند روز قبل انسی کبیر کی کار کو یہ حادثہ اس وقت پیش آیا جب وہ اپنی ساتھی انجنا شاجن کے ساتھ ریاست کیرالہ کے شہر کوچی میں ایک فیشن شو میں شرکت کے لیے جا رہی تھی کہ ان کی کار موٹر سائیکل سوار کو بچاتے ہوئے بے قابو ہوکر ایک درخت سے جاٹکرائی، جس کے نتیجے میں دونوں موقع پر ہی ہلاک ہوگئیں۔۔
View this post on Instagram
آنسی کبیر کے ساتھ اس حادثے میں جان کی بازی ہارنے والی انجنا شاجن 2019 کے مس کیرالہ مقابلے میں آنسی کبیر کے ساتھ شرکت کرچکی تھیں اور مقابلے میں رنر اپ رہی تھیں۔ اور اسی مقابلے میں ان کی دوستی کا آغاز ہوا تھا۔