(علی اکبر) وزیر اعظم عمران خان کا کہنا ہےکہ کرپشن اور ترقی کا سفر ایک ساتھ نہیں چل سکتا، کرپشن کا خاتمہ حکومت کی اولین ترجیح ہے۔
وزیر اعظم عمران خان سے وزیر اعلی پنجاب سردار عثمان بزادر اورڈائریکٹر جنرل اینٹی کرپشن اعجاز حسین شاہ نے ملاقات کی، اس موقع پر وزیر اعظم کا کہنا تھا کہ کرپشن کے ناسور نے نہ صرف ملکی معیشت کو ناقابل تلافی نقصان پہنچایا بلکہ اداروں کو بھی تباہ کیا ہے، جس سےعام آدمی کی زندگی متاثر ہوئی ہے۔
وزیراعظم عمران خان نے کہا کہ کرپشن کے خاتمے اور بدعنوان عناصر کے خلاف بلاامتیاز کارروائی کو ایک مشن سمجھ کر پورا کیا جائے، حکومت اس ضمن میں ہر ممکنہ تعاون فراہم کرے گی۔