(ویب ڈیسک)سوشل میڈیا سائٹ انسٹاگرام پر 7 ملین  فالوورز رکھنے والی خوبرو اداکارہ منال خان نے سنیک ویڈیو ایپ کی دُنیا میں قدم رکھ دیا ہے۔

 سنیک ویڈیو ایپ پر آفیشل اکاؤنٹ بنانے کے بعد منال خان کےمداح اب اُنہیں ٹی وی سکرین اور انسٹاگرام کے ساتھ سنیک ویڈیو ایپ پر بھی دیکھ سکیں گے۔منال خان نے اپنے مداحوں کو یہ خوشخبری اپنی انسٹاگرام سٹوری کے ذریعے دی۔اداکارہ نے اپنی انسٹا سٹوری میں سنیک ویڈیو ایپ پر بنائے گئے اپنے آفیشل اکاؤنٹ پر اسکرین شاٹ شیئر کیا۔

 اُنہوں نے اپنے مداحوں سے مخاطب ہوکر کہا کہ ’مجھے سنیک ویڈیو ایپ پاکستان پر فالو کریں۔‘اب زیادہ تر نامور ٹک ٹاکرز نے بھی اسنیک ویڈیو ایپ پر اپنے اکاؤنٹس بنالیے جہاں اُن کی فین فالوونگ میں اضافہ ہورہا ہے۔واضح رہے کہ اس سے قبل پاکستان کی مقبول ترین اداکارہ عائزہ خان نے ٹک ٹاک کی دُنیا میں انٹری دی تھی۔

 عائزہ خان نے اپنے انسٹاگرام اکاؤنٹ پر مداحوں کے ساتھ ایک مختصر سی ٹک ٹاک ویڈیو شیئر کی تھی جس میں اُنہوں نے ’گیتی‘ نام کا ایک لاکٹ پہنا ہوا تھا۔عائزہ خان کا اپنی انسٹا گرام پوسٹ پر کیپشن میں مداحوں و فالوورز کو کہنا تھا کہ ’گیتی پرنسس کو ٹک ٹاک پر فالو کریں۔