سٹی 42: کرائسٹ چرچ ٹیسٹ کے دوسرے روز کھیل کے اختتام پر نیوزی لینڈ نے 3 وکٹوں کے نقصان پر 286رنز بنالئے،کیوی کپتان  نے کیپٹن اننگز کھیلتے ہوئے مسلسل دوسری سنچری بنا لی ہے۔کین ولیمسن 112 رنز کیساتھ کریز پر موجو دہیں۔

 کرائسٹ چرچ کے ہیگلے اوول میں کھیلے جارہے میچ کے پہلے دن قومی ٹیم 297 رنز پر پویلین لوٹ گئی جس کے جواب میں نیوزی لینڈ کے بلے بازوں نے ذمہ دارنہ بیٹنگ کرتے ہوئے 3 وکٹ کے نقصان پر 286 رنز بنالئے ہیں۔ نیوزی لیںڈ کی جانب سے ٹام لیتھم 33 رنز پر شاہین آفریدی کی گیند پر کیچ آؤٹ ہوئے۔

The joy of a team catch ????#NZvPAK pic.twitter.com/dVZIrobsFg

— ICC (@ICC) January 4, 2021

 ٹام بلنڈل 16 رنز پر فہیم اشرف کی گیند کا شکار بنے جبکہ  راس ٹیلر کو 12 رنز  پر محمد عباس نے پویلین کی راہ دکھائی۔

 کپتان کین ولیمسن نے ایک بار پھر ذمہ دارانہ بیٹنگ کرتے ہوئے مسلسل دوسری اور ٹیسٹ کریئر کی 24ویں سنچری اسکور کرڈالی۔

 اس دوران ہینری نکولس نے ان کا بھرپور ساتھ دیتے ہوئے نصف سنچری اسکور کی۔

Henry Nicholls in his last four Test innings:

???? 174
???? 56
???? 11
???? 50* – TODAY

What a player!#NZvPAK pic.twitter.com/VIqCvonZBO

— ICC (@ICC) January 4, 2021

   اس سے قبل یگلے اوول میں کھیلے جا رہے ٹیسٹ کے پہلے روز  پاکستان کی پوری ٹیم 297 رنز پر ڈھیر ہوگئی تھی۔قومی ٹیم کے اوپنر ایک بار پھر لمبی اننگز کھیلنے میں ناکام رہے۔ شان مسعود  ٹم ساؤتھی کی گیند پر بغیر کوئی رن بنانے پویلین لوٹ گئے۔ عابد علی 25 رنز بنا کر کائل جیمسن کی گیند کا شکار بنے۔ حارث سہیل اور فوادعالم بھی کریز پر ٹھہر نہ سکے اور کائل جیمسن کی گیند پر آؤٹ ہوکر چلتے بنے۔

And now Tom Latham is gone too!

Shaheen Afridi gets the wicket courtesy of a combo catch in the slips by Shan Masood and Haris Sohail!#NZvPAK SCORECARD ▶ https://t.co/eVFtwyDGUQ pic.twitter.com/s4IriXPRhS

— ICC (@ICC) January 3, 2021

 کھانے کے وقفے کے دوران بارش کے سبب کھیل تاخیر سے شروع ہوا لیکن کچھ دیر بعد روک دیا گیا جو 40 منٹ رُکا رہا، دوبارہ میچ شروع ہونے پر  اظہر علی اور محمد رضوان نے ذمہ دارانہ بیٹنگ کرتے ہوئے ہاف سنچریاں بنائیں اور  اسکور کو آگے بڑھایا۔ کپتان رضوان کو بھی 61 رنز پر کائل جیمسن نے پویلین بھیج دیا جس کے کچھ ہی دیر بعد اظہر علی 93 رنز بنا کر میٹ ہینری کی گیند کا شکار بن گئے۔ فہیم اشرف اور ڈیبیو کرنے والے ظفر گوہر نے بھی اچھی پارٹنر شپ قائم کی، فہیم 48 اور ظفر گوہر 34 رنز بناکر آؤٹ ہوئے، شاہین آفریدی 4، نسیم شاہ 12 رنز  پر پویلین لوٹے۔ نیوزی لینڈ کی جانب سے کائلز جمیسن نے 5، ٹم ساؤتھی اور ٹرینٹ بولٹ نے 2،2 وکٹیں حاصل کیں۔

    واضح رہے کہ دو ٹیسٹ میچوں کی سیریز کے پہلے میچ میں نیوزی لینڈ نے پاکستان کو 101 رنز سے شکست دی تھی۔