ملک اشرف : فائروال اور ویب مینجمنٹ سسٹم کےنفاذ کیخلاف درخواست،ہائیکورٹ نے وفاقی حکومت اور پی ٹی اے کو جواب کیلئے 2ہفتوں کی مہلت دیدی۔

جسٹس چودھری محمد اقبال نے جوڈیشل ایکٹوازم پینل کی درخواست پر سماعت کی ،درخواست میں انٹرنیٹ سروس پر فائر وال لگانے اور ویب مینجمنٹ سسٹم کو چیلنج کیا گیاہے۔ درخواست میں یہ اعتراض بھی اُٹھایا گیا کہ عوامی مفاد کا معاملہ ہے، فائر وال لگانے اور ویب مینجمنٹ سسٹم کیلئے وفاقی کابینہ سے کوئی منظوری نہیں لی گئی، جوڈیشل ایکٹوازم پینل نے درخواست میں یہ نکتہ بھی اٹھایا کہ فائر وال اور ویب مینجمنٹ سسٹم کو انٹرنیٹ کیلئے استعمال کرنا آئین کے بنیادی حقوق کے منافی ہے۔ اس لیے اس اقدام کو غیر آئینی قرار دیا جائے۔