ویب ڈیسک :یوٹیوب میں صارفین کے لیے ایک نئی دلچسپ تبدیلی کی گئی ہے۔
ویڈیو شیئرنگ پلیٹ فارم میں نئے لائیک بٹن کو متعارف کرایا گیا ہے۔
فی الحال یہ نیا لائیک بٹن مخصوص ویڈیوز تک محدود ہے جس پر کلک کرنے پر مختصر انیمیشن کو دیکھنے کا موقع ملے گا۔
اس فیچر کا اعلان اکتوبر 2025 کے وسط میں یوٹیوب یوزر انٹرفیس میں مختلف تبدیلیوں کے ساتھ کیا گیا تھا۔
اب اس نئے لائیک بٹن کو متعارف کرانے کا سلسلہ شروع کر دیا گیا ہے۔
اس وقت 20 مختلف انیمیشنز دستیاب ہیں جن کا انحصار اس پر ہوتا ہے کہ آپ کس طرح کی ویڈیو دیکھ رہے ہیں۔
اگر آپ گاڑیوں یا آٹو ریسنگ سے متعلق ویڈیو دیکھ رہے ہیں تو لائیک بٹن مختصر وقت کے لیے اسپننگ، دھواں چھوڑنے والے ٹائر کا انیمیشن دکھائے گا۔
YouTube's new like animations pic.twitter.com/n3FRtasP3D
— Andreas Storm (@avstorm) October 28, 2025
There are even more pic.twitter.com/F7PZQzydrc
— Andreas Storm (@avstorm) October 28, 2025
اگر آپ کوئی تعلیمی ویڈیو دیکھ رہے ہیں تو لائیک بٹن روشن بلب میں تبدیل ہو جائے گا۔
کتے اور بلیوں کی ویڈیوز کے لیے بھی لائیک بٹن انیمیشنز دستیاب ہوں گے مگر بچوں کی ویڈیوز کے لیے ابھی ایسا لائیک بٹن تیار نہیں کیا گیا۔