ملک اشرف: سابق رکن قومی اسمبلی صاحبزادہ محمد حامد رضا کی نااہلی کے خلاف دائر درخواست سماعت کے لیے مقرر کر دی گئی ہے۔

عدالتی ذرائع کے مطابق رجسٹرار آفس نے کیس کو 7 اپریل کو سماعت کے لیے مقرر کرتے ہوئے کاز لسٹ جاری کر دی ہے۔ درخواست پر سماعت چودھری محمد اقبال کی سربراہی میں دو رکنی بینچ کرے گا۔

درخواست گزار کی جانب سے وفاقی حکومت، الیکشن کمیشن آف پاکستان اور حکومت پنجاب کو فریق بنایا گیا ہے۔

درخواست میں مؤقف اختیار کیا گیا ہے کہ الیکشن کمیشن آف پاکستان کا نااہلی سے متعلق فیصلہ غیر قانونی ہے، جسے عدالت میں چیلنج کیا گیا ہے۔

واضح رہے کہ صاحبزادہ محمد حامد رضا کو حلقہ این اے 104 فیصل آباد سے نااہل قرار دیا گیا تھا۔