(ویب ڈیسک) وزیراعظم عمران خان کے خلاف تحریک عدم اعتماد مسترد ہوچکی ہے۔ڈپٹی اسپیکر قومی اسمبلی قاسم سوری نے اپوزیشن کی عدم اعتماد کی قرار داد مسترد کی، عمران خان نے پی ڈی ایم کو بڑی پیشکش کرتے کہا فوری الیکشن کو قبول کرلیں۔
وزیراعظم عمران خان نے اپنے ایک بیان میں کہا کہ عام انتخابات کے فیصلے پر پی ڈی ایم کا ردعمل حیران کن ہے، اپوزیشن مسلسل کہہ رہی تھی حکومت ناکام ہوچکی ہے اور عوام کی حمایت ہوچکی ہے۔
وزیراعظم نے کہا کہ اپوزیشن کو اب الیکشنز سے خوف کیوں ہے؟ جمہوری لوگ ہمیشہ عوام کے پاس جاتے ہیں،کیا یہ بہتر نہیں کہ پی ڈی ایم غیر ملکی سازش کا حصہ بننے کے بجائے فوری الیکشن کو قبول کرلے۔
Isn't it better for PDM to accept elections rather than being part of a foreign conspiracy for regime change; and indulging in blatant purchasing of loyalties thereby destroying our nation's moral fibre?
— Imran Khan (@ImranKhanPTI) April 3, 2022
دوسری جانب شہباز شریف کے صاحبزادے اور اپوزیشن لیڈر پنجاب اسمبلی حمزہ شہباز نے میڈیا سے گفتگو کرتے کہا کہ ڈپٹی اسپیکرقومی اسمبلی نےڈھٹائی سے اجلاس ملتوی کردیا،پنجاب اسمبلی میں 200ممبران موجود تھے،آج آئین کےساتھ کھلواڑکیاگیا،ملک کو تماشا بنادیا گیا ہے,ہم نے آج ایوان میں اپنی اکثریت ثابت کی.
کہا کہ پرویزالٰہی نےآج اپنی آنکھوں پر پٹی باندھ لی ہے، ڈپٹی اسپیکر نے بے شرمی سے اجلاس ملتوی کردیا،ہمارے نمبرز پورے تھے،ملکی معیشت کا بیڑا غرق کرنے والا شخص خود کو سمجھتاکیاہے، عدالت کو اتوار والے دن نوٹس لینا پڑا،یہ تو لوگوں کو 50لاکھ گھر اور ایک کروڑ نوکریاں دینے والے تھے۔