قیصر کھوکھر:محکمہ بلدیات نے لاہور کے تاریخی ورثے کے تحفظ کے لیے ایک اور اہم قدم اٹھاتے ہوئے ملکہ نور جہاں کے مقبرے کی بحالی کا فیصلہ کر لیا ہے۔
ذرائع کے مطابق منصوبے پر 15 کروڑ روپے لاگت آئے گی اور پی سی ون کی منظوری بھی دے دی گئی ہے۔
محکمہ بلدیات نے والڈ سٹی اتھارٹی کو مقبرہ نور جہاں پر بحالی و تزئین و آرائش کا کام شروع کرنے کی ہدایت جاری کر دی ہے۔ اس منصوبے کا مقصد تاریخی ورثے کو اصل شکل میں محفوظ کرتے ہوئے سیاحت کو فروغ دینا ہے۔