ارشاد قریشی: انسداد دہشت گردی عدالت راولپنڈی میں علیمہ خان سمیت 11 ملزمان کے خلاف 26 نومبر کے احتجاج پر درج مقدمے کی سماعت 5 جنوری تک ملتوی کردی گئی۔
مقدمے میں نامزد تین ملزمان کے وکلاء نے 8 گواہان پر جرح مکمل کرلی, عدالت نے آخری موقع دیتے ہوئے علیمہ خان اور باقی ملزمان کو آئندہ سماعت تک مہلت دے دی۔
عدالت نے عدم پیشی پر تین ملزمان کے قابل ضمانت وارنٹ گرفتاری جاری کردئیے, ملزمان میں ساجد علی، محمد حنیف اور علی رضا شامل ہیں, مقدمے کی سماعت انسداد دہشت گردی عدالت کے جج امجد علی شاہ نے کی۔