نبیل ملک: ایئرپورٹ پر پانچ کروڑ روپے سے زائد مالیت کی ہیروئین اسمگلنگ کی کوشش ناکام، اے این ایف حکام نے دو کارروائیوں کے دوران تین ملزمان کو گرفتار کر لیا۔
تفصیلات کے مطابق ایئرپورٹ روانگی لاؤنج میں اینٹی نارکوٹکس فورس نے سیاہ فام خاتون "میری ھوپو لُوچو" کو گرفتار کر کے نامعلوم مقام پر منتقل کر دیا۔ ملزمہ قطر ایئر کی پرواز 629 کے ذریعے لاھور سے دوحہ ہیروئین اسمگل کرنے کی کوشش کررہی تھی۔
ایک اور بڑی کارروائی کے دوران اے این ایف حکام نے عمرہ ادائیگی کے لیئے شاھین ایئر لائن کی پرواز 703 پر لاھور سے مدینہ منورہ جانے والے شوکت عباس اور کلثوم شوکت کے سامان کی تلاشی کے دوران بھی دو کلو سے زائد ہیروئین برآمد کرلی۔ دونوں میاں بیوی کو بھی گرفتار کر کے نامعلوم مقام پر منتقل کر دیاگیا۔
مزید دیکھیے