سٹی 42 : وزیراعظم محمد شہباز شریف نے سوات کے علاقے کبل میں خودکش دھماکے اور اس میں ہونے والی اموات  پر گہرے غم اور  افسوس کا اظہار کیا ہے۔ 

وزیراعظم کی جانب سے دھماکے میں جاں بحق ہونے والوں کے اہلِ خانہ سے دلی تعزیت اور ہمدردی کا اظہار کیا گیا ہے۔ وزیراعظم نے جاں بحق افراد کے درجات کی بلندی اور لواحقین کے لیے صبرِ جمیل کی دعا کی۔ 

وزیراعظم کی جانب سے دھماکے میں زخمی ہونے والوں کی جلد صحت یابی کے لیے دعا کی گئی۔ وزیراعظم نے متعلقہ حکام کو زخمیوں کو بہترین طبی سہولیات کی فراہمی یقینی بنانے کی ہدایت کی۔

وزیراعظم شہباز شریف کا کہنا ہے کہ دہشت گردی کے ناسور کے مکمل خاتمے تک ہماری جدوجہد جاری رہے گی۔