(علی رامے)پنجاب کے مختلف علاقوں میں پیر اور منگل کے روز تیز ہواؤں اور گرج چمک کے ساتھ بارش کی پیشگوئی ،محکمہ موسمیات کا کہنا ہے مغربی ہوائیں آج رات سے ملک کے بالائی علاقوں میں داخل ہونگی جو کل تک موجود رہیں گی۔
محکمہ موسمیات کے مطابق لاہور سمیت پنجاب بھر میں تیز ہواؤں اور گرج چمک کے ساتھ بارش کا امکان ہے۔ پی ڈی ایم اے کا کہنا ہے تیز ہواؤں/ ژالہ باری کے باعث کھڑی فصلوں اور کمزور انفرسٹرکچر کو شدید نقصان کا خطرہ ہے۔پی ڈی ایم اے نے کسان حضرات کو آگاہ کیا ہے کہ موسمیاتی پیشگوئی کو مدنظر رکھتے ہوےُ فصلوں کی آبیاری کریں۔