اسرار خان: لاہورمیں ٹریفک حادثات کا سلسلہ جاری ہے، جہاں گزشتہ 24 گھنٹوں کے دوران شہر کے مختلف علاقوں میں 188 ٹریفک حادثات رپورٹ ہوئے۔

ریسکیو حکام کے مطابق حادثات کے نتیجے میں ایک شخص جاں بحق جبکہ 256 افراد زخمی ہوئے۔ زخمیوں میں سے 112 افراد کو تشویشناک حالت کے باعث مختلف ہسپتالوں میں منتقل کیا گیا۔

ریسکیو ٹیموں نے 144 معمولی زخمیوں کو موقع پر ہی ابتدائی طبی امداد فراہم کی۔

حکام کا کہنا ہے کہ بیشتر حادثات تیز رفتاری، لاپرواہ ڈرائیونگ اور ٹریفک قوانین کی خلاف ورزی کے باعث پیش آئے۔ شہریوں سے اپیل کی گئی ہے کہ وہ اپنی اور دوسروں کی حفاظت کے لیے ٹریفک قوانین پر سختی سے عمل کریں۔