ویب ڈیسک: شہر قائد کے علاقے نمائش چورنگی پر ڈانس کرکے ٹریفک کنٹرول والا اہلکار سوشل میڈیا پر وائرل ہوگیا ۔
کراچی کے علاقے نمائش چورنگی پر تعینات ٹریفک پولیس اہلکار فہیم گل ڈانس کرکے ٹریفک کنٹرول کرتے ہیں جس پر ڈرائیور بھی مسکراتے ہوئے ان کی ہدایات پر عمل کرنے پر مجبور ہوجاتے ہیں۔ ٹریفک کے بہاؤ کو منظم کرنے کے لیے فہیم گل کا مخصوص اشارہ ان کا سگنیچر سٹائل بھی بن گیا ہے۔ فہیم گل نے بتایا کہ ان کا تعلق سندھ کے ضلع مٹیاری سے ہے۔
کراچی ٹریفک پولیس اہلکار کا ٹریفک کنٹرول کرنے کا منفرد انداز دیکھیں۔ pic.twitter.com/NyVCLckmEV
— Mir Muhammad (@Mirpak5) July 30, 2026
ٹریفک پولیس کے اے ایس آئی نے بتایا کہ اکثر لوگ فہیم گل کو دیکھ کر مسکراتے ہیں اور ان کا حال احوال بھی پوچھتے ہیں۔
کراچی کے شہریوں نے بھی ٹریفک اہلکار کے منفرد انداز کو سراہا کیونکہ ان کا مثبت رویہ بدترین ٹریفک میں بھی لوگوں کے چہروں پر مسکراہٹ لاتا ہے۔