سعدیہ خان: چائلڈ پروٹیکشن بیورو کی کاوش رنگ لے ائی تین گمشدہ بچوں کو والدین سے ملوا دیا، قصور سے تعلق رکھنے والے پندرہ سالہ ابوبکر کو اٹھ سال بعد والدین ملے۔
اپنوں کی راہ تکتے بچوں کی دعائیں رنگ لے ائیں گزشتہ آٹھ سال سے بیورو میں مقیم قصور کے ابوبکر کے والدین کو چائلڈ بیورو نے ڈھونڈ نکالا، والدین سے مل کر ابوبکر خوشی سے پھولے نہیں سما رہا تھا۔ چودہ سالہ مسکان کا تعلق لاہور کے علاقہ سبزہ زار ہے وہ ایک سال قبل گمشدہ حالت میں بیورو کو ملی جبکہ دس سالہ ابوبکر بہاولنگر سے بیورو میں آیا تینوں بچوں کو چائلڈ بیورو کی ٹیموں نے فیملی ٹریسنگ کے زریعے والدین سے ملوایا۔
چیرپرسن چائلڈ بیورو سارہ احمد کا کہنا تھا کہ بیورو میں گمشدہ بچوں کے خاندان ڈھونڈ رہے بہت جلد بچے والدین کے ہمراہ ہونگے، بیورو کے مطابق بہت سے بچوں کے والدین کو ڈھونڈا اور رابطہ کیا مگر اکثر والدین زمہ داری سے غفلت برتتے ہوئے بچوں کو لینے نہیں اتے۔