اشرف خان: انٹربینک میں امریکی ڈالر کی قیمت میں آج پھر کمی ہوگئی۔ 

 اسٹیٹ بینک کے مطابق انٹربینک میں امریکی ڈالر 5 پیسے سستا ہوگیا،  انٹربینک میں ڈالر 279.55 روپے سے کم ہوکر 279.50 روپے پر بند ہوا۔

دوسری جانب اوپن مارکیٹ میں ڈالر  280.86  روپے پر ہی برقرار رہا ، اس کے علاوہ اوپن مارکیٹ میں برطانوی پاونڈ  29 پیسے کمی سے 356.69 روپے،  امارتی درہم 1 پیسے کمی سے  76.87 روپے، سعودی ریال 1 پیسے کمی سے 75 روپے   کا ہوگیا، جبکہ یورو 5 پیسے اضافے سے  304.07  روپے پر آگیا۔