ویب ڈیسک: عید الفطر کا چاند دیکھنے کے لیے مرکزی رویت ہلال کمیٹی کا اجلاس آج اسلام آباد میں ہوگا، مرکزی رویت ہلال کمیٹی کا اجلاس شام 6 بجے وزارت مذہبی امور میں ہوگا۔
تفصیلات کےمطابق مولانا سید محمد عبدالخبیر آزاد مرکزی رویت ہلال کمیٹی کے اجلاس کی صدارت کریں گے، زونل رویت ہلال کمیٹیوں کے اجلاس صوبائی دارالحکومتوں میں بیک وقت منعقد ہوں گے، مرکزی رویت ہلال کمیٹی چاند نظر آنے یا نہ آنے کا باضابطہ اعلان کرے گی۔
محکمہ موسمیات کے مطابق پاکستان میں آج شوال کا چاند نظر آئے گا اور 31 مارچ بروز (پیر) منائی جائے گی۔
گزشتہ روز ریسرچ رویت ہلال کونسل کی جانب سے شوال کے چاند کے بارے میں اہم اعلان کیا گیا، ریسرچ رویت ہلال کونسل کے مطابق شوال کا چاند آج 3 بج کر58 منٹ پر پیدا ہوگیا ہے۔
شوال کے چاند کی پیدائش آج بروز ہفتہ 3 بج کر58 منٹ پر ہو گئی ہے، اتوارکومغرب کے وقت چاندکی عمر26 گھنٹے سے زیادہ ہوگی، عید الفطر 31 مارچ بروز پیر کو ہونے کا قومی امکان ہے۔
ہلال کونسل کے مطابق سورج اور چاند کے درمیان غروب کا فرق 69 سے 78 منٹ ہوگا۔
کراچی میں غروب شمس و قمر کا فرق 69 منٹ ہو گا، جیوانی 71 منٹ، کوئٹہ اور لاہور 74 منٹ جبکہ گلگت بلتستان میں 78 منٹ کا فرق ہوگا۔