ویب ڈیسک:شہر کے مختلف علاقوں میں ہلکی بارش کے ساتھ موسم خوشگوار ہو گیا،ٹھنڈی ہوائیں چلنے سے سردی کی شدت میں بھی اضافہ ہو گیا ہے۔

محکمہ موسمیات کے مطابق شہر کا موجودہ درجہ حرارت 13 ڈگری سینٹی گریڈ ہے، زیادہ سے زیادہ درجہ حرارت  17  اور  کم سے کم 8 ڈگری سینٹی گریڈ رہنے کا امکان ہے۔  محکمہ موسمیات کا کہنا ہے کہ آئندہ چوبیس گھنٹوں میں مزید بارشوں کا امکان ہے۔

واضح رہے کہ ٹھنڈی ہوائیں چلنے سے سردی کی شدت میں اضافہ ہو گیا ہے اور اس کے ساتھ ساتھ آلودگی میں بھی کمی ریکارڈ کی گئی ہے۔آلودگی میں لاہور پہلے سے چوتھے نمبر پر آگیا۔شہر میں آلودگی کی مجموعی شرح 134ریکارڈ کی گئی ہے۔