مانیٹرنگ ڈیسک: آرٹیفیشل انٹیلی جنس ڈیڑھ سال میں بچوں کو پڑھنے اور لکھنے میں مدد فراہم کر رہی ہو گی، مائیکروسافٹ کے شریک بانی بل گیٹس کی پیشگوئی۔
غیر ملکی خبر رساں ایجنسی کے مطابق مائیکروسافٹ کے شریک بانی بل گیٹس نے پریس کانفرنس کرتے ہوئے کہا کہ اے آئی چیٹ بوٹس کسی انسان جتنے ہی اچھے استاد ثابت ہو سکتے ہیں اور موجودہ دور کے چیٹ بوٹس پڑھنے لکھنے کی بہت زیادہ قابلیت رکھتے ہیں۔
انہوں نے کہا کہ آئندہ چند ماہ میں طلبہ اے آئی ٹیکنالوجی کی مدد سے اپنی صلاحیتوں کو بہتر بنا سکیں گے۔ تبدیلی آ رہی ہے اور اے آئی ٹیکنالوجی کو استاد کے طور پر استعمال کرنے سے اخراجات میں بھی کمی آئے گی۔
بل گیٹس نےایک اور پیشگوئی کرتے ہوئے کہا کہ اے آئی ٹیکنالوجی لوگوں کے کام کرنے، سیکھنے، سفر سمیت ایک دوسرے سے رابطوں کے طریقے کو بدل دے گی۔ دنیا بھر کی حکومتیں ٹیکنالوجی کی صنعت کے ساتھ مل کر اے آئی سے جڑے خطرات کو محدود کریں۔
واضح رہے کہ مائیکرو سافٹ نے چیٹ جی پی ٹی کو اپن سرچ انجن، براؤزر اور دیگر سروسز کا حصہ بنا لیا ہے۔