ویب ڈیسک: سابق ڈپٹی سپیکر پنجاب اسمبلی دوست محمد مزاری کو اینٹی کرپشن نے گرفتار کرلیا۔
سابق ڈپٹی سپیکر پنجاب اسمبلی دوست محمد مزاری کو اینٹی کرپشن ہیڈکوارٹر کی ٹیم نے گرفتار کرلیا ہے۔دوست محمد مزاری کے خلاف زمینوں پر قبضہ کرنے کے الزامات کے تحت مقدمہ درج تھا۔دوست محمد مزاری گیارہ اکتوبر کو اینٹی کرپشن پیش نہیں ہوئے تھے، جس کے باعث مقدمہ درج کر کے انہیں گرقتار کر لیا گیا۔اے سی روجھان کی رپورٹ کے مطابق دوست محمد مزاری نےہزاروں ایکڑ زمین پر قبضہ کیا ہوا تھا۔
اینٹی کرپشن پنجاب نے زاہد مزاری ، شیر محمد مزاری اور معظم مزاری کو طلب کر لیا۔تحصیل روجھان کے تحصیلدار سمیت تمام ریونیو سٹاف اپنے ریکارڈ سمیت اینٹی کرپشن پیش ہوئے تھے۔اینٹی کرپشن پنجاب نے تمام ریکارڈ اپنے قبضے میں لے لیے تھے۔