(ویب ڈیسک) حکومت نے کتوں اور بلیوں کی خوراک سمیت انرجی سیور کی درآمد پر پابندی عائد کرنے کا فیصلہ واپس لے لیا۔
19 مئی سے قبل آرڈر کی گئی لگژری اشیا بھی منگوائی جاسکیں گی، اس حوالے سے وزرات تجارت نے نرمی کا نوٹی فکیشن جاری کر دیا۔ نوٹیفکیشن کے مطابق حکومت نے چند درآمدی اشیاء پر پابندی میں نرمی کر دی ہے، کتوں اور بلیوں کی خوراک کی اور انرجی سیور کی در آمد پر پابندی عائد نہیں ہوگی۔
ایسی لگژری اور غیر ضروری اشیاء جن کی درآمد کے آرڈرز 19 مئی سے پہلے کئے گئے ہیں وہ در آمد کی جاسکیں گی اور ایسی تمام اشیاء جن کا ائیروے بل در آمد پر پابندی سے پہلے جاری ہوچکا وہ بھی منگوائی جاسکیں گی۔