ویب ڈیسک:وزیر تعلیم پنجاب مراد راس نے اپنے استعفیٰ سے متعلق زیرگردش خبروں کی تردید کردی۔
تفصیلات کے مطابق مراد راس نے ٹوئٹر پر ایسی خبروں کی تردید کرتے ہوئے لکھا کہ ’ میں نے استعفیٰ نہیں دیا، ایسی خبریں جعلی ہیں۔
انہوں نے کہا کہ مجھے مسلسل پیغامات اور کالز موصول ہورہی ہیں، مجھ سے پچھلے 3 سالوں میں غیر قانونی درخواستیں کیں وہ مجھ سے اپنا کام نہیں کروا سکے۔
Fake News. No I have Not resigned. Getting constant messages and calls. Quite a few people that made illegal requests in the past 31/2 years couldn’t get their work done by me, they must be praying for sure. ????
— Murad Raas (@DrMuradPTI) March 28, 2022
صوبائی وزیر نے یہ بھی کہا کہ وہ ضرور میرے جانے کی دعائیں مانگ رہے ہوں گے۔خیال رہے کہ وزیراعظم عمران خان کے خلاف تحریک عدم اعتماد پر ووٹنگ سے قبل سرپرائز آنا شروع ہوگئے ، اپوزیشن کی طرف سے وزیر اعلیٰ پنجاب سردار عثمان بزدار کے خلاف تحریک عدم اعتماد پنجاب اسمبلی میں جمع کروا دی گئی ہے۔