بھارت نے دریائےجہلم میں بھی پانی چھوڑدیا،شدیدخطرہ!

سٹی42: ستلج، راوی اور چناب کے بعد  بھارت نے دریائے جہلم میں بھی ایک بار پھر پانی چھوڑدیا۔ پاکستان کے علاقہ میں جہلم دریا میں پانی کی سطح مسلسل بڑھ رہی ہے۔ 

 بھارت نے دریائے جہلم پر بنائے ہوئے اوڑی ڈیم کے سپیل وے کھول دیئے ہیں۔  کہلم دریا آزاد کشمیر کے دارالحکومت مظفر آباد کے بالکل قریب سے گزرتا ہے اور مظفر آباد شہر کے درمیان سے ہی نیلم دریا بھی گزرتا ہے جو شہر کے کونے پر آ کر جہلم دریا میں گرتا ہے۔

 آج جمعہ کی شام مظفر آباد شہر میں دریائے جہلم میں پانی کی سطح مسلسل بلند ہو رہی ہے۔ یہاں فی الحال دریائے جہلم میں نچلے درجے کا سیلاب ہے۔

 ایس ڈی ایم اے نے آزاد کشمیر کے جہلم دریا کے  نزدیک واقع تمام علاقوں کے شہریوں کو محتاط رہنے کی ہدایت کی ہے۔

 جمعہ کی شام بتایا جا رہا ہے کہ جہلم دریا میں  اوڑی ڈیم سے چھوڑے گئےسیلابی پانی کا بڑا ریلا دومیل مظفرآباد کے مقام سے گزر رہا ہے

پنجاب  کے شہروں خصوصاً جہلم کیلئے خطرہ

ایس ڈی ایم اے نے بتایا ہے کہ دریائے جہلم میں آج شام سے  آنے  والے اس پانی کو اگر منگلا ڈیم میں سٹور نہ کیا جا سکا تو دریائے چناب میں صورتحال مذید سنگین ہو سکتی ہے۔ اگر بھارت کی جانب سے جہلم دریا میں زیادہ پانی چھوڑ دیا گیا تو آزاد کشمیر کے ساتھ پاکستان کے دریائے جہلم کے نزدیک آباد شہروں اور دیہات کو بھی سیلاب کا خطرہ ہو سکتا ہے۔

پاکستان میں دریائے جہلم منگلا ڈیم سے کچھ فاصلے پر آباد شہر جہلم اور پورے ضلع جہلم کو متاثر کر سکتا ہے اور اس سے آگے خوشاب اور جھنگ کے علاقوں کو متاثر کر سکتا ہے۔