احمد منصور: پاکستان کی مسلح افواج نے ہمیشہ ملک کی خودمختاری اور علاقائی سالمیت کے تحفظ کے عزم کو ثابت کیا ہے، پاکستان ایئر فورس جدید ٹیکنالوجی اور کثیرالجہتی صلاحیتوں کے ساتھ فضائی جنگ کی مضبوط قوت بن چکی ہے۔

جے-10سی اور جے ایف-17 بلاک تھری طیاروں کی شمولیت سے پاک فضائیہ کی حربی صلاحیت میں نمایاں اضافہ ہوا، پی ایل-15 میزائلوں کی موجودگی پاکستان کی فضائی برتری کو ناقابلِ تسخیر بناتی ہے، سیدو سے پسنی تک پاک فضائیہ 24 گھنٹے نگرانی اور فوری ردِعمل کی صلاحیت برقرار رکھے ہوئے ہے۔

جدید قیادت میں پاک فضائیہ میں اگلی نسل کی ٹیکنالوجیز کی تیز رفتار شمولیت کا عمل جاری ہے، ایڈوانسڈ ایریئل پلیٹ فارمز، ایچ آئی ایم اے ڈی سسٹمز، اور یو سی اے ویز آپریشنل ہو چکے ہیں۔

خلائی، سائبر، الیکٹرانک وار فیئر اور مصنوعی ذہانت پر مبنی نظام پاک فضائیہ میں تیزی سے شامل کیے گئے، پاکستان ایئر فورس ملک کی خودمختاری کے تحفظ اور امن کے قیام کے عزم کو دہراتی ہے۔

بہادری، جدت اور غیر متزلزل عزم کی وراثت کے ساتھ پاک فضائیہ ہر چیلنج کا سامنا کرنے کے لیے تیار ہے۔