ابوبکرارشد: اوپن مارکیٹ میں ایل پی جی کے نرخوں میں سرکاری قیمت اور مارکیٹ ریٹ کے درمیان نمایاں فرق برقرار ہے، ایل پی جی 400 سے 450 روپے فی کلو تک فروخت ہونے لگی۔

سرکاری طور پر ایل پی جی کی قیمت 258 روپے فی کلو مقرر ہے، تاہم پرچون مارکیٹ میں صارفین سے 400 سے 450 روپے فی کلو تک وصول کیے جا رہے ہیں۔

سرکاری نرخ کے مقابلے میں اوپن مارکیٹ میں ایل پی جی کی قیمت میں نمایاں اضافے کے باعث شہریوں پر اضافی بوجھ پڑ رہا ہے۔

شہریوں کا مطالبہ ہے کہ ایل پی جی کی فروخت سرکاری نرخ کے مطابق یقینی بنائی جائے اور مقررہ قیمت سے زائد وصول کرنے والوں کے خلاف کارروائی کی جائے۔