ویب  ڈیسک : چینی کمپنی ’’گریٹ وال موٹر‘‘ نے دنیا کی جدید ترین 8سلنڈر والی 2000سی ٹی موٹرسائیکل کی تیاری شروع کر دی ہے ۔

    گریٹ وال موٹر چین کی سب سے طاقت ور اور جدید کمپنی ہے جوکہ ایس یو وی ، پک اپ ٹرکس اور الیکٹرک گاڑیوں کے لیے گلوبل پہچان رکھتی ہے، کمپنی نے جدید موٹر سائیکل کی تیاری شروع کر کے دنیا بھر کے موٹر بائیک لورز کی توجہ اپنی طرف مبذول کر لی ہے۔

 بائیک کی انجن پاور 151ہارس پاور اور6500آر ایم پی ہے، کمپنی کی جانب سے انتہائی جدید موٹر بائیک کی تیاری کا اقدام ہونڈا گولڈ ونگ کا نقش قدم بتایا جا رہا ہے ۔

    کمپنی کی جانب سے اس جدید موٹر سائیکل کے چار ورژن متعارف کروائے جانے کا امکان ہے ، موٹر سائیکل کا وزن 404کلوگرام سے 427کلوگرام تک ہوگاجس میں سامان رکھنے کی گنجائش بھی رکھی جائے گی ۔