عمر اسلم :پی ٹی آئی کے بعد ن لیگ نے بھی الیکشن کمیشن سے رجوع کر لیا مسلم لیگ ن نے اسمبلی کے موجودہ تناسب سے مخصوص نشستوں پر ارکان کی نامزدگی کی درخواست دیدی۔

پنجاب اسمبلی میں پانچ مخصوص نشستوں پر ارکان کے تقرر کا معاملہ پی ٹی آئی کے بعد ن لیگ نے بھی الیکشن کمیشن سے رجوع کر لیاہے ۔ مسلم لیگ ن نے اسمبلی کے موجودہ تناسب سے مخصوص نشستوں پر ارکان کی نامزدگی کی درخواست دیدی ۔

درخواست ن لیگ کے ملک احمد خان کی جانب سے فیصل عرفان ایڈوکیٹ نے دائر کی۔ الیکشن کمیشن نے ن لیگ کی درخواست 2 جون کو سماعت کیلئے مقرر کر دی ہے،  اس سے قبل تحریک انصاف بھی مخصوص نشستوں پر تعیناتی کیلئے الیکشن کمیشن سے رجوع کر چکی ہے الیکشن کمیشن نے تین خواتین اور دو اقلیتی نشستوں پر ارکان کو ڈی سیٹ کیا تھا۔