ویب ڈیسک : پنجاب کی وزیر اعلیٰ مریم نواز نے کہا ہے کہ پرواز گارڈ کے ذریعے ہنرمند نوجوانوں کو تین لاکھ روپے بلاسود فراہم کے جائیں گے۔

 پرواز کارڈ، راہ روزگار،سکل ڈیولپمنٹ پورٹل کے اجرا کی افتتاحی تقریب سے خطاب کے دوران وزیر اعلیٰ مریم نواز نے کہا کہ عوام کو ریلیف اور سہولت کی فراہمی ریاست کی ذمہ داری ہے، نوجوانوں کو بااختیار بنانا ترجیح ہے، ہنرمند، تعلیم یافتہ بنانے کے لیے اقدامات کررہے ہیں۔ انہوں نے کہا کہ پرواز کارڈ کے ذریعے رقوم کی فراہمی میں شفافیت کو یقینی بنایا جائے گا، 50 ہزار ہنرمند نوجوانوں کو پرواز کارڈ جاری ہوں گے، کوئی بھی نوجوان وسائل کی کمی کی وجہ سے پیچھے نہیں رہے گا۔

 وزیر اعلیٰ مریم نواز نے کہا کہ ہماری آبادی کا بڑا حصہ نوجوانوں پر مشتمل ہے، نوجوانوں کو آگے بڑھنے کے لیے موقع فراہم کررہے ہیں، چیف منسٹر اسکل ڈیولپمنٹ پروگرام کے تحت 2 لاکھ بچوں کو ٹریننگ دی گئی، ایک ہزار بچوں کو ٹریننگ دے کر گارمنٹس کے شعبے میں روزگار دیا گیا۔ انہوں نے کہا کہ نوجوانوں کو ہرمند بنانے کے ساتھ روزگار بھی فراہم کیا جارہا ہے، ای کامرس کے ذریعے بھی نوجوان باعزت روزگار کما رہے ہیں، صوبے کے تمام وسائل عوام کی خدمت پر خرچ کیے جارہے ہٰں، موبائل پولیس اسٹیشن گھروں کی دہلیز پر عوام کے مسائل حل کررہے ہیں۔

 انہوں نے مزید کہا کہ ہنر افرادی قوت کی طلب دنیا بھر میں ہے، ہمیں صرف ٹریننگ دینا ہوگی، ہمارے نوجوان باصلاحیت، دنیا میں اپنی صلاحیتوں کا لوہا منوا رہے ہیں۔