سٹی فورٹی ٹو : پولیو کے خاتمے کی ملک گیر مہم کا آغاز ہو گیا ہے۔پنجاب میں حکومت کا 22 ملین بچوں کو قطرے پلانے کا ہدف ، ٹیمیں تشکیل دیدی گئیں۔
اقوامِ متحدہ کا بین الاقوامی چلڈرن ایمرجنسی فنڈ کے جاری کردہ اعلان کے مطابق ملک بھر میں پانچ روزہ مہم کے دوران پانچ سال سے کم عمر کے تین کروڑ سے زائد بچوں کو پولیو کے قطرے پلائے جائیں گے۔
آج ملک بھر میں قومی انسداد پولیو مہم کا آغاز ہو گیا ہے۔ اس مہم کے دوران 4 کڑور سے زائد 5 سال سے کم عمر بچوں کو فرنٹ لائن ورکرز گھر گھر جا کر پولیو سے بچاؤ کے قطرے پلائیں گے۔ آج ہی اپنے بچوں کو پولیو سے بچاؤ کے قطرے پلائیں اور پاکستان کو پولیو سے پاک بنانے میں مدد کریں۔ pic.twitter.com/I4DVE1YXFw
— UNICEF Pakistan (@UNICEF_Pakistan) February 28, 2022
رپورٹ کے مطابق سندھ کا تیس اضلاع میں ایک کروڑ سے زائد بچوں کو قطرے پلانے کا ہدف ہے، اس مہم میں ستر ہزار ہیلتھ ورکرز اور دس ہزار سپروائزرز نے حصہ لیا ہے۔پنجاب میں حکومت کا 22 ملین بچوں کو قطرے پلانے کا ہدف ہے اور اس نے 150,000 سے زائد پولیو ورکرز کو تعینات کیا ہے۔بلوچستان اور خیبرپختونخوا میں تقریباً 90 لاکھ بچوں کو پولیو کے قطرے پلائے جائیں گے۔گھر گھر مہم کے دوران بچوں کو انسداد پولیو کے قطرے پلانے کیلئے تیس ہزار سے زائد ٹیمیں تشکیل دی گئی ہیں۔
اس سے قبل وزیراعظم کے معاون خصوصی ڈاکٹر فیصل سلطان نے کہا کہ پاکستان کو 2023 تک پولیو سے پاک کرنے کا ہدف ہے۔واضح رہے کہ پاکستان کے اپنے پہلے دورے پر مائیکروسافٹ کے شریک بانی بل گیٹس نے بھی پولیو کے خاتمے کیلئے پاکستان کی متاثر کن کوششوں پر اطمینان کا اظہار کیا ہے۔