(شاہد ندیم سپرا) شہری ہوشیار باش!! لاہور میں بجلی بلوں کے نام پر لوٹ مار کرنے والا گروہ پھر متحرک ہوگیا۔
نو سر باز گروہ کی جانب سے جوہر ٹاﺅن سمیت شہر کے بیشتر علاقوں میں جعلی نوٹسز بھجوائے گئے ہیں۔ نوٹس میں صارفین کو میٹر خراب ہونے کی دھمکی لگائی گئی ہے، خراب میٹر کی دھمکی لگا کر زیادہ بل بھیجنے پر بلیک میل کیا جارہا ہے۔
پولیس سمیت دیگر قانون نافذ کرنے والے ادارے گروہ کو پکڑنے میں ناکام ہیں، لیسکو کی جانب سے چند ماہ قبل سمن آباد میں نوٹسز بھیجنے پر گروہ کیخلاف مقدمہ بھی درج ہوا تھا تاہم اس کے باوجود گرفتاری عمل میں نہیں لائی جا سکی۔