مانیٹرنگ ڈیسک: پاکستانیوں کیلئے بُُری خبر، 2024 سے 2027 کے دوران امریکی ڈالر کے مقابلے میں پاکستانی روپیہ کمزور رہے گا، برطانوی جریدے دی اکانومسٹ نے پریشان کن پیشگوئی کردی۔
برطانوی جریدے دی اکانومسٹ کے مطابق اکانومسٹ انٹیلی جنس یونٹ کی طرف سے پاکستان کی کنٹری رپورٹ جاری کی گئی ہے, رپورٹ میں سیاسی عدم استحکام، معاشی کمزوریاں اور سیکیورٹی کو پاکستان کا بڑا مسئلہ قرار دیا گیا ہے.
رپورٹ میں کہا گیا کہ مہنگائی اور ٹیکسوں کا بوجھ بڑھنے سے موجودہ حکومت اپنی مقبولیت کھوچکی ہے، پاکستان میں عام انتخابات اکتوبر 2023 میں ہونے کی پیشگوئی کی گئی ہے، موجودہ حکومت کا اپنی مدت پوری کرنے کا امکان ہے۔
دی اکانومسٹ کی رپورٹ کے مطابق پاکستان میں شرح سود بھی مزید 2 فیصد بڑھ کر 23 فیصد تک جانے کا امکان ظاہر کیا گیا ہے، پاکستان کو ڈیفالٹ سے بچنے کیلئے نیا آئی ایم ایف پروگرام لینا پڑے گا۔
رپورٹ میں پیشگوئی کی گئی ہے کہ ڈالر 2023 میں 291 روپے رہنے کا امکان ہے جبکہ 2025 میں امریکی ڈالر کی قدر 302 تک جانے کی پیش گوئی کی گئی ہے۔