(ویب ڈیسک)اگر بینائی کمزور ہو جا تو بہت سے مسائل کا سامناکرنا پڑتا ہے لیکن کچھ ایسی سبزیاں ہیں جن کے استعمال سے نظر کی کمزوری سے سچا جا سکتا ہے۔

ماہرین کے مطابق سبز پتوں والی سبزیاں جسم میں خون کی گردش کو بھی بہتر اور آنکھوں کی بصارت بحال رکھنے میں مدد دیتی ہیں۔سبز پتوں والی غذاؤں کے استعمال کے ساتھ ساتھ گاجرکا بھی استعمال نظروں کو کمزور ہونے سے بچاتا ہے۔

 ماہرین کے مطابق گاجرمیں بیٹا کیروٹین بکثرت موجود ہوتا ہے، جو آنتوں کے امراض اور انفیکشن سے بچاتا ہے، کینسر جیسے موذی مرض میں گاجرکا استعمال اکسیر ہے۔

ہارورڈ میڈیکل سکول میں واقع برگھم اینڈ وومن ہاسپٹل کے سائنسدانوں کے مطابق ہری سبزیوں میں نائٹریٹ کی بڑی مقدار موجود ہوتی ہے جو بینائی چھیننے والے لاعلاج مرض اوپن اینگل گلوکوما کے خدشے کو 30 فیصد تک کم کرسکتی ہیں۔

 گاجر میں پائے جانے والے وٹامنز اے ، ای اور سی چہرے کی شگفتگی کو برقرار رکھتے ہیں اور جلد کو بے رونق ہونے سے بچاتے ہیں۔

طبی ماہرین کا کہنا ہے کہ گاجر میں وٹامن اے ، ای سمیت کئی ایسے قدرتی اجزا پائے جاتے ہیں جو انسانی صحت کے لئے انتہائی اہم ہیں ۔

ماہرین کے مطابق روزانہ گاجر کا جوس پینے سے نا صرف جگر کا نظام فعال ہوتا ہے بلکہ یہ کینسر کی رسولیوں کی افزائش روکنے میں بھی ایک اہم کردار ادا کرتا ہے۔