(ویب ڈیسک) جتوئی تحصیل ہیڈ کوارٹر ہسپتال کو دو گروپوں میں جھگڑا ہوگیا، لڑائی کی وجہ سے متعدد افراد زخمی ہوگئے ۔
تفصیلات کے مطابق جتوئی تحصیل ہیڈکوارٹر ہسپتال میں کچھ لوگوں کا گروپ زخمی افراد کو ہسپتال میں میڈیکل کے لئے لے کر آئے تو دوسرے گروپ کے افراد نے ہسپتال میں داخل ہوکر پہلے گروپ کے زخمیوں کو مارنا شروع کردیا ۔لڑائی کے دوران لاتوں مکوں کے ساتھ ساتھ اینٹوں اور ڈنڈوں کا بھی آزادنہ خوب استعمال کیا گیا ۔
جتوئی تحصیل ہیڈکوارٹر ہسپتال میں دوگروپوں کا آپس میں جھگڑا۔۔۔ pic.twitter.com/fDKNTrq1S2
— Abdullah Malik (@abdullahmal99) September 27, 2022
جتوئی پولیس کے اہلکاروں نے موقع پر پہنچ کر دونوں فریقین کے افراد کو گرفتار کیا اور ان کے ڈنڈے بھی قبضے میں لے لیے۔ پولیس کے مطابق گزشتہ شب فریقین کے مابین گھر پر لڑائی ہوئی تھی جس کے بعد تھانہ جتوئی سے ڈاکٹ لے کر زخمی ہسپتال میڈیکل کے لیے گئے تھے کہ دوسرا گروپ حملہ آور ہوا،ان کے خلاف سخت کاروائی عمل میں لائی جائے گی۔