سٹی42: مہنگائی سے پریشان عوام کیلئے بڑی خبر، یوٹیلیٹی سٹورز کارپوریشن نے سبسڈائزڈ گھی کی قیمت میں 18 روپے فی کلو کمی کر دی ہے۔
تفصیلات کے مطابق یوٹیلیٹی سٹورز کارپوریشن نے بے نظیر انکم سپورٹ پروگرام کے پی ایم ٹی 40 کے رجسٹرڈ خاندانوں کیلئے گھی کی قیمت میں 18 روپے کمی کی ہے۔ بی آئی ایس پی کے صارفین کے لئے 393 روپے فی کلو کی بجائے 375 روپے فی کلو کے حساب سے دستیاب ہوگا، جبکہ عام صارفین کے لئے بھی 18 روپے فی کلو کی کمی کی گئی ہے۔عام صارفین کو 463 روپے فی کلو کی بجائے 445 روپے فی کلو مہیا کیا جائے گا۔
واضح رہے کہ نئی قیمتوں کا اطلاق فوری طور پر کر دیا گیا ہے۔