سٹی 42:لیڈی ولنگٹن ہسپتال میں آپریشن کے دوران مریضوں کی مبینہ ویڈیو بنانے پر چار لیڈی ڈاکٹر معطل  ہو گئیں ۔
سیکرٹری سپیشلائزڈ ہیلتھ کی جانب سے ہیڈ آف ڈیپارٹمنٹ گائنی یونٹ ون کو شو کاز نوٹس جاری  کردیا ۔
شوکاز نوٹس  کے  متن  کے مطابق ویڈیو بنانے میڈیکل اخلاقیات کے منافی اور مریض کے وقار کو مجروح کرنے کے مترادف ہے ۔ ملوث ڈاکٹر ز کا طرز عمل مریض کی سیفٹی کے معیار اور طبی ماہرین پر اعتماد کے اصول کے منافی ہے ۔

معطل ہونے والی  لیڈی ڈاکٹر ز میں  ڈاکٹر طیبہ  فاطمہ طور،  ڈاکٹر  ماہم امین ، ڈاکٹر زینب طاہر اور ڈاکٹر عائشہ افضل  شامل ہیں ۔
مجاز اتھارٹی نے ڈاکٹرز کی غفلت اور کلینیکل فرائص کی ادائیگی میں کوتاہی پر جواب طلب کرلیا ۔
لیڈی ولنگٹن ہسپتال میں سی سیکشن آپریشن کے دوران بنائی مبینہ ویڈیو سوشل میڈیا پر وائرل ہوگئی تھی۔