(مانیٹرنگ ڈیسک) آسٹریلیا کی کرکٹ ٹیم 24سال بعد پاکستان کے دورے پر اسلام آباد پہنچ گئی۔
پیٹ کمنز کی قیادت میں آسٹریلین کرکٹ ٹیم اسلام آباد ایئر پورٹ پر پہنچی جہاں کرکٹ بورڈ حکام نے مہمان ٹیم کا استقبال کیا ,اسلام آباد پہنچنے والی ٹیم میں کپتان پیٹ کمنز کے علاوہ اسٹیو اسمتھ، مارنوس لبوشین، جوش ہیزل ووڈ، مچل مارش، عثمان خواجہ، ناتھن لیون، مچل اسٹارک اور دیگر کھلاڑی شامل ہیں۔
Our Aussie men have arrived in Islamabad ✈️ ???????? #PAKvAUS pic.twitter.com/PtX4dvKRmr
— Cricket Australia (@CricketAus) February 27, 2022
سینئر بلے باز اسٹیو اسمتھ نے ٹوئٹر چارٹر فلائٹ کے کیبن سے پاکستان کے دارالحکومت اسلام آباد پہنچنے پر ایک تصویرشیئر کی۔آسٹریلین ٹیم کے ٹویٹر اکاؤنٹ پر بھی کھلاڑیوں کی تصاویر شیئر کی گئیں، جس میں انہیں اسلام آباد ائیر پورٹ پر پہنچنے کے بعد خوش گوار موڈ میں دیکھا جا سکتا ہے.
Hello Pakistan ????????.
— Mitchell Swepson ???????? (@MitchSweps) February 26, 2022
I'm coming. #PAKvAUS pic.twitter.com/ZocXYwhL1M
واضح رہے کہ دونوں ٹیموں کے درمیان تین ٹیسٹ، تین ون ڈے اور صرف ایک ٹی ٹوئنٹی میچ کھیلا جائے گا۔آسٹریلین کرکٹ ٹیم دو روزتک بائیو سکیور ببل میں رہے گی اور دو روز بعد کھلاڑیوں کے کورونا ٹیسٹ کئے جائیں گے اور ٹیسٹ منفی آنے پر کھلاڑیوں کو ٹیم میں شامل کیا جائے گا۔آسٹریلیا نے آخری مرتبہ اپنا دورہ پاکستان 1998 میں کیا تھا ۔