سٹی42: پی ایس ایل سیزن 10 کے سولہویں میچ میں ملتان سلطانز کی آگے بڑھنے کی امید قلندرز کی مستی میں ڈوبی بیٹنگ نے خاک میں ملا دی۔ ملتان سلطانز کے 185 رنز کے جواب مین قلندرز نے 16 اوورز میں 147 رنز بنا لئے۔ اب انہیں جیتنے کے لئے 24 گیندوں سے 38 رنز بنانا تھے۔
17 وین اوور کی دوسری گیند پر سکندر رضا نے ایک اور چھکا مار ڈالا۔ ڈیرل مچل 45 رنز اور سکندر رضا 31 رنز کے ساتھ کھیل رہے ہیں۔
سٹی42: پی ایس ایل سیزن 10 کے سولہویں میچ میں لاہور قلندرز ملتان سلطانز سے جیت پر پوائنٹس ٹیبل پر دوسری پوزیشن پر پہنچ گئے۔
قذافی سٹیڈیم میں آج ہونے والے میچ میں ملتان سلطانز نے پہلے بیٹنگ کی اور 185 رنز بنائے۔ سلطانز کی صرف تین وکٹیں گری تھیں۔
لاہور قلندرز نے یہ سکور 19 اوورز میں کر لیا اور میچ 5 وکٹوں سے جیت لیا۔
لاہور قلندرز کے جیتنے مین ڈیرل مچل اور سکندر رضا کے چھکوں نے بنیادی کردار ادا کیا۔
ڈیرل مچل 38 گیندوں سے 64 رنز بنا کر جیت سے صرف ایک قدم دوری پر کلین بولڈ ہوئے۔ وننگ سٹروک سکندر رضا نے لگایا، ان کا سکور 21 گیندوں سے 40 تھا۔
آج شب میچ سے پہلے پی ایس ایل سیزن ٹین کے پوائنٹس ٹیبل پر لاہور قلندرز تیسری پوزیشن پر تھے، انہوں نے پانچ میچ کھیل کر 4 پوائنٹس بنائے تھے، اب چھتا میچ جیت کر ان کے 6 پوائنٹس کراچی کنگز کے برابر ہیں جب کہ نیٹ رن ریٹ کے کے سے بہتر ہے۔
April 04, 2026
April 04, 2026
سٹی42: قذافی سٹیڈیم میں آج پی ایس ایل سیزن 10 کے سولہویں میچ میں ملتان سلطانز کے 185 رنز بنانے کے بعد لاہور قلندرز کو بیٹنگ ملی تو قلندرز نے 13 اوورز میں سینچری کر لی۔ قلندرز کے بلنگز 12 ویں اوور مین چھکا مارنے کی کوشش میں کیچ آؤٹ ہوئے۔ ان کے بعد سکندر رضا آئے جنہوں نے چھکا ہی لگا کر قلندرز کی سینچری مکمل کی۔
13 واں اوور قلندرز کے لئے گیم چینگر اوور ثابت ہوا بریس ویل نے ایک قیمتی وکٹ تو لے لی لیکن سکندر رضا کر چھکے سے اپنا اکاؤنٹ کھولنے سے نہیں روک پائے۔
اوور کے اختتام پر قلندرز کا مجموعہ 109 ہو گیا۔ 14 ویں اوور کی دوسری گیند پر ڈیرل مچل نے حسنین کو چھکا مار دیا۔ 14 اوورز ختم ہوئے تو قلندرز کا مجموعہ رنز تھا۔
13 اوورز کے خاتمہ پر 7 اوورز میں لاہور قلندرز کو 77رنز بنانا تھے۔ 14 اوور ختم ہوئے تو قلندرز کی پوزیشن قدرے بہتر تھی۔ اب انہیں باقی 36 بالز سے66 رنز بنانا ہیں اور دونوں اینڈز پر ہارڈ ہٹر بیٹر کھیل رہے ہیں۔
قلندرز یہ میچ جیت گئے تو وہ پوائنٹس ٹیبل پر دوسری سلاٹ میں دکھائی دیں گے۔ ملتان سلطانز یہ میچ جیتے تو انہیں دو پوائنتس تو مل جائیں گے، وہ چار پوائنٹس کے ساتھ پانچوین پوزیشن پر بیٹھی کوئٹہ گلیڈئیٹرز سے تب بھی نیچے ہی رہیں گے کیونکہ ان کا نیٹ رن ریٹ آج کی جیت کے بعد بھی گلیڈئیٹرز سے بہت نیچے رہے گا۔
سٹی42: قذافی سٹیڈیم میں ایچ بی ایل پاکستان سپرلیگ سیزن 10کے 16ویں میچ میں ملتان سلطانز نے اور لاہور قلندر آمنے سامنے ہیں۔
ملتان سلطانز نے پہلے کھیل کر 20 اوورز میں 185 رنز بنا لئے۔
لاہور قلندرز کی بیٹنگ کچھ ہی دیر میں آگاز ہونے جا رہی ہے۔
آج میچ کا ٹاس لاہور قلندرز کے کیپٹن شاہین آفریدی نے جیتا تھا۔ شاہین نے ملتان سلطانز ک و بیٹنگ دی اور خود ٹارگٹ چیز کرنے کی آپشن لی۔ اب انہیں 9.4 کے رن ریٹ کو لے کر ابتدا کرنا ہے۔
ملتان سلطانز کےکیپٹن محمد رضوان نے 76 اور کامران غلام نے 52 رنز بنائے، کامران غلام ناٹ آؤٹ واپس گئے عثمان خان 18 اور شائی ہوپ 9 رنز بنا کر آؤٹ ہوئے۔
لاہور قلندرز کے ٹام کرن، حارث رؤف اور ڈیرل مچل نے ایک، ایک وکٹ لی۔
ایونٹ میں اس سے پہلے دونوں ٹیموں کے درمیان مقابلے میں ملتان سلطان فاتح رہی تھی۔
ٹیبل پر لاہور قلندرز کے5 میچزکے بعد 4 اورملتان سلطانز کے 2 پوائنٹس ہیں۔
April 04, 2026
April 04, 2026
سٹی 42 : پی ایس ایل 10 کے 16ویں میچ کے دوران لاہور قلندر نے ملتان سلطان کے خلاف ٹاس جیت کر پہلے باولنگ کا فیصلہ کیا ہے۔
لاہور قلندر ٹیم کے کپتان شاہین آفریدی نے بتایا کہ ٹیم میں دو تبدیلیاں کی گئی ہیں، رشاد حسین اور محمد عارب کی جگہ ٹائم کرن اور محمد نعیم کو ٹیم میں شامل کیا گیا ہے۔
شاہین آفریدی نے بتایا کہ تماشائیوں کی سپورٹ کی وجہ سے ٹیم اچھا کھیلتی ہے۔ انہوں نے کہا کہ پچھلے میچ میں جلدی وکٹیں گرنا غیر متوقع تھا، سکندر رضا بہترین آل راونڈر میں سے ایک ہیں۔
یاد رہے کہ لاہور قلندرز نے پانچ میچ کھیلے ہیں دو جیتے اور 3 میں شکست کا سامنا ہوا، ملتان سلطانز کی ٹیم 5 میچ کھیل کر صرف ایک میچ جیت سکی ہے۔
ملتان سلطانز کی ٹیم میں تین تبدیلیاں کی گئی ہیں، عاکف جاوید ، محمد حسین اور شائے ہوپ ملتان کی پلیئنگ الیون میں شامل ہیں۔
سٹی 42: لاہور قلندر نے کراچی کنگز کو 65 رنز سے شکست دے دی
لاہور قلندر نے کراچی کنگز کو زیر کردیا کراچی کنگز کا کوئی بھی بلے وکٹ پر ٹک نہ سکا ،کراچی کنگز 201 رنز کے ہدف میں 134 رنز بنا کر آل آؤٹ ہوگئے ،خوشدل شاہ 27 گیندوں پر 39 رنز بنا ایوٹ ہوگئے ،حسن علی 25 گیندوں پر 23 رنز بنا کر شاہین آفریدی کی گیند پر آؤٹ ہوئے ،شان مسعود اور ٹیم سیفریٹ 18 رنر بناکر آؤٹ ہوئے ،کراچی کنگز کے کپتان ڈویڈ ورنر صفر رنز پر شاہین آفریدی کی گیند پر آؤٹ ہوئے
جم ونس بھی کوئی رنز نہ بنا سکے،عرفان خان نیازی 6 رنز بنا کر آؤٹ ہوگئے،رشاد حسین نے 4 اوورز میں 27 رنز دیکر تین وکٹ حاصل کی
شاہین شاہ آفریدی نے چار اوورز میں 34 رنز دیکر تین وکٹیں حاصل کی
April 04, 2026
April 04, 2026
سٹی 42: پی ایس ایل کے چھٹے میچ میں لاہور قلندرز نے کراچی کنگز کو جیت کےلیے 202 رنز کا ہدف دے دیا۔
کراچی کے نیشنل بینک کرکٹ ایرینا میں کھیلے جارہے اس میچ میں لاہور قلندرز نے ٹاس جیت کر پہلے بیٹنگ کرنے کا فیصلہ کرلیا۔ابتدا میں محتاط اور سلو اسٹارٹ کے بعد قلندرز نے گیئر بدل کر مقررہ 20 اوورز میں 6 وکٹوں پر 201 رنز بنائے۔
فخر زمان نے 76 جبکہ ڈیرل مچل نے 75 رنز کی اننگز کھیلی۔ سیم بلنگز نے 19، سکندر رضا نے 10، محمد نعیم نے 7، عبداللہ شفیق نے 6 اور رشد حسین نے 2 رنز بنائے۔ حسن علی نے 4 اہم وکٹیں لیں، عباس آفریدی نے ایک کھلاڑی کو آؤٹ کیا۔
لاہور قلندرز کی ٹیم کی قیادت شاہین شاہ آفریدی کر رہے ہیں جبکہ دیگر کھلاڑیوں میں فخر زمان، محمد نعیم، عبداللّٰہ شفیق، ڈیرل مچل، سیم بلنگز، سکندر رضا، رشاد حسین، حارث رؤف، آصف آفریدی اور زمان خان شامل ہیں۔
کراچی کنگز کے کپتان محمد ڈیوڈ وارنر ہیں، انکے ساتھ پلیئنگ الیون میں ٹم سیفرٹ، جیمز ونس، شان مسعود، عرفان خان نیازی، خوشدل شاہ، عرفات منہاس، عباس آفریدی، ایڈم ملن، حسن علی اور فواد علی شامل ہیں۔
کنگز اپنے پہلے میچ میں کامیاب رہی تھی، جبکہ قلندرز کی ٹیم پہلے میچ میں شکست کے بعد دوسرے میں کامیاب رہی۔
سٹی42 : کراچی کے نیشنل سٹیڈیم میں پی ایس ایل کے چھٹے میچ میں کراچی کنگز نے بظاہر لاہور قلندرز کو ڈیفینسو پوزیشن میں دھکیل رکھا تھا لیکن دسویں اوور مین فخر زمان کے خوشدل کو تین چھکے گیم چینجر ثابت ہوئے۔
گیارھویں اوور میں ڈیرل مشیل نے فخر کی پیروی کی اور عباس آفریدی کو اوور مین چار چوکے مار دیئے۔ اس اوور کے اختتام پر قلندرز کا مجموعہ 106 ہو گیا تھا ور ان کا رن ریٹ دس کے نزدیک آ گیا تھا۔
April 04, 2026
April 04, 2026
سٹی42: ایچ بی ایل پاکستان سپر لیگ (پی ایس ایل) 10کے چھٹے میچ میں لاہور قلندرز اور کراچی کنگز آمنے سامنے ہیں۔ قلندرز نے پہلے بیٹنگ کی اور دوسرے اوور میں ہی پہلی وکٹ گنوا دی۔ قلندرز کی دوسری وکت چوتھے اوور میں گر گئی۔ پاور پلے کے 6اوورز کے بعد قلندرز کا مجموعہ 47 رنز تھا۔ 7 اوورز کے اختتام پر قلندرز نے 53 رنز بنا ئے جبکہ10 اوورز کے اختتام پر ان کا مجموعہ 90 رنز ہے۔ اوپنر فخر کی ففٹی 10 وین اوور مین اس وقت تیز رفتاری سے مکمل ہو گئی جب انہوں نے خوشدل شاہ کو ایک اوور میں تین چھکے مار ڈالے۔
فخر زمان 50اور ڈیرل مشیل24 رنز پر کھیل رہے ہیں۔ کراچی کے نیشنل سٹیڈیم میں آج پی ایس ایل سیزن ٹین کا چھٹا میچ ہو رہا ہے جو کراچی مین پہلا میچ ہے۔ آج میچ میں کراچی کنگز اور لاہور قلندرز آمنے سامنے ہیں۔
ٹاس
آج نیشنل سٹیڈیم کراچی کی وکٹ پر ٹاس لاہور قلندرز کے کیپٹن شاہین آفریدی نے جیتا، انہوں نے خود بیٹنگ لی۔
قلندرز کی اوپننگ فلاپ
لاہور قلندرز کی طرف سے فخر زمان کے ساتھ محمد نعیم بیٹنگ کے لئے آئے، نعیم دوسرے اوور کی پہلی گیند پر حسن علی کو چھکا مارنے کے بعد دوسری گیند پر آؤٹ ہو گئے۔ ان کے 7 رنز بنے۔
دوسری وکٹ عبداللہ شفیق کی گری ۔ وہ بھی چھ رنز بنا کر حسن علی کا ہی شکار بنے۔ وہ 6 رنز بنا کر پویلین واپس گئے۔
دونوں بیٹرز کے کیچ عباس آفریدی نے لئے۔
پہلے اوور میں چھ رنز بنے تھے اور اوپنر فخر زمان کا کیچ باؤنڈری پر ڈراپ ہو گیا تھا جس سے چار رنز بن گئے تھے۔
کے کے کی باؤلنگ
کراچی کنگز کے کپتان ڈیوڈ وارنر نے آج اٹیک کے لئے بال ایڈم ملن کو دی تھی، ملن کو تین اوورز میں 21 رنز پڑے ہیں۔
حسن علی نے دو اوورز کئے، انہیں چھ رنز پڑے۔
عباس آفریدی کے ایک ہی اوور میں دس رنز پڑ گئے۔
فواد علی کا پہلا اوور 9 رنز میں پرا۔
پوائنٹس ٹیبل پر پوزیشن
ایونٹ میں لاہور قلندرز کے دو میچز کے بعد دو اور کراچی کنگز کے ایک میچ جیتنے کے بعد دو پوائنٹس ہیں۔
سٹی42: پاکستان سپر لیگ کے دسویں ایڈیشن کا چوتھا میچ لاہور قلندرز اور کوئٹہ گلیڈئیٹرز کے درمیان ہوا، لاہور قلندرز نے یہ میچ سہولت کے ساتھ 79 رنز سے جیت لیا۔
کوئٹہ گلیڈئیٹرز کی ٹیم 220 رنز کے ہدف کے تعاقب مین نکلی تو ابتدا میں بہت اچھے رن ریٹ کے لئے تیز کھیلے لیکن تین اوورز میں صرف 9 رنز پر تی نوکٹیں گنوا بیٹھے۔ خود کیپٹن سعود شکیل صرف تین گیندیں کھیلے اور ایک رن بنا کر آؤٹ ہو گئے۔ ان کی وکٹ گرنے سے ایسے قدم اکھڑے کی دو مزید گلیڈئیٹر دوسرے اور تیسرے اوور مین آؤٹ ہو گئے۔
تین وکٹیں برباد ہونے کے بعد کوسل مینڈس اور ریلی روسو نے گلیڈئیٹرز کو سنبھالا اور رن ریٹ بھی تیزی سے بڑھایا، لیکن وکٹیں گرنے سے نہ بچا سکے، چھٹے اوور میں مینڈس آؤٹ ہوئے تو گلیڈئیٹرز کا مجموعہ 54 تھا جو برا نہیں تھا۔ مینڈس کا انفرادی سکور 28 تھا جو انہوں نے صرف 14 گیندوں سے بنائے۔ مینڈس نے 3 چوکے اور 2 چھکے لگائے۔ ان کے جانے کے بعد شعیب ملک آئے جنہوں نے روسو کی معاونت کی۔
روسو نے 19 گیندوں سے 44 رنز بنا کر اپنے مداحوں کی خوب تسلی کر دی لیکن وکٹ کو دیر تک نہ بچا سکے۔ تیز کھیلنے کی لگن میں وہ 9 ویں اوور مین آأؤٹ ہو گئے۔ روسو نے 4 چھکے لگائے اور 4 ہی چوکے مارے۔
فہیم حسین 13، فہیم اشرف 21 اور شعیب ملک 14 رن بنا کر آؤٹ ہوئے۔
ابرار 6, عثمان طارق 5 رنز ہی بنا پائے۔
دسویں وکٹ 16 ویں اوور میں گری جب مجموعہ 140 رنز تھا۔
April 04, 2026
April 04, 2026
سٹی42: راولپنڈی کرکٹ سٹیڈیم میں قدرت آج لاہور قلندرز پر مہربان ہے، پہلے بیٹنگ کر کے قلندرز نے 20 اوورز میں 119 رنز بنائے۔ اس کے بعد کوئٹہ گلیڈئیٹرز ک نے بیٹنگ آغاز کی تو قلندرز نے تین بیٹرز کو 9 کے مجموعی سکور پر آؤٹ کر دیا۔
کوئٹہ گلیڈئیٹرز کی پہلی وکٹ پہلے اوور میں پانچویں گیند پر گری جب کیپٹن سعود شکیل ایک رن بنا کر شاہین آفریدی کی گیند پر فخر زمان کو کیچ دے بیٹھے۔
دوسری وکٹ چوتھے اوور میں حسن نواز کی گری، وہ بھی ایک ہی رن بنا کر واپس گئے۔ یہ وکٹ آصف آفریدی نے لی۔
کوئٹہ گلیڈئیٹرز کی تیسری وکٹ تیسرے اوور میں گری جب فن ایلن شاہین آفریدی کی بال پر کیچ آؤٹ ہوئے، انہیں کوئی رن بنانے کا موقع نہیں ملا۔
تین اوورز مین کوئٹہ گلیڈئیٹرز نے 12 رنز بنائے ہیں۔ ان کا رن ریٹ سوا چار ہے اور ریکوائرڈ رن ریٹ ساڑھے 12 ہو چکا ہے۔
سٹی42: پاکستان سپر لیگ نے چوتھے میچ میں لاہور قلندرز کو پہلے بیٹنگ کرنے کا موقع راس آ گیا، قلندرز نے 20 اوورز میں 219 رنز کر لئے۔ کوئٹہ گلیڈئیٹرز کے کیپٹن سعود شکیل نے آج راولپنڈی کرکت سٹیڈیم کی وکت پر ٹاس جیت لیاتھا، انہوں نے خود ٹارگٹ چیز کرنے کا فیصلہ کیا، قلندرز نے انہیں ان کی توقع کے خلاف 220 رنز کا ٹارگٹ دے دیا۔
قلندرز کی اننگ میں 9 چھکے لگے اور 23 چوکے لگے۔ یہ قلندرز کی اس سیزن میں پہلی بھرپور اننگز ہے، پہلے میچ میں وہ اسلام آباد یونائٹڈ کے لئے آسان شکار ثابت ہوئے تھے کیونکہ پہلے بیٹنگ کرتے ہوئے قلندرز کی ساری بیٹنگ لائن 139 رنز میں ہی ادھڑ گئی تھی۔
لاہور قلندرز کی بیٹنگ
لاہور قلندرز نے گلیڈی ایٹرز کی دعوت پر بیٹنگ کا آغاز کیا تو فخر زمان اور محمد نعیم اوپننگ کیلئے آئے۔
نعیم 10 رنز کی اننگز کھیل کر ابرار کی گیند پر کلین بولڈ ہوئے، یوں قلندرز کی پہلی وکٹ 17 رنز پر گری۔
عبداللہ شفیق آٹھویں اوور تک وکٹ پر رہے، انہوں نے فخر کے ساتھ مل کر مجموعہ 73 رنز تک پہنچا دیا لیکن خود 37 کے انفرادی سکور پر عقیل حسین کی ایک زہریلی ڈیلیوری پر انہی کے ہاتھوں کیچ ہو گئے۔ شفیق نے 6 چوکے اور ایک چھکے کے ساتھ قلندرز کو اچھا رن ریٹ دیا۔
ڈیرل مشیل15 ویں اوور میں 37 رنز کے انفرادی سکور پر ابرار احمد کی وائیڈ گیند پر وکت کیپر کوسل مینڈس کی تیزی کے سبب سٹیمپ آؤٹ ہو گئے۔ اس وقت قلندرز کا مجموعہ 153 ہو چکا تھا۔
پندرھویں اوور کی پہلی ہی گیند پر عقیل حیسن نے فخر کو شکار کر لیا، تب بھی قلندرز کا سکور 153 ہی تھا۔ فخر نے آج کیپٹنلی اننگز کھیلی اور 67 رنز بنائے، 7 چوکے اور 3 چھکے لگائے۔ ان کا سٹرائیک ریٹ 171 تھا۔
سیم بلنگز کی مارویلس ففٹی
سیم بلنگز دراصل گیم چینجر بیٹر رہے؛ بلنگز نے 19 گیندوں سے ففٹی کی، ان کی ففٹی میں آخری اوور کی آخری دو بالز پر دو چھکے بھی شامل تھے، انہوں نے 4 چھکے اور 4 چوکے لگائے۔ کیپٹن شاہین آٖریدی 3 رنز بنا کر کیچ آؤٹ ہوئے۔
لاہور قلندرز کی ٹیم ؛
فخر زمان، محمد نعیم، عبداللہ شفیق، ڈیرل مچل، سیم بلنگز، سکندر رضا، جہاں داد خان، شاہین شاہ آفریدی (کپتان)، راشد حسین، حارث رؤف، آصف آفریدی شامل ہیں۔
کوئٹہ گلیڈی ایٹرز کی ٹیم ؛
سعود شکیل، فن الین، حسن نواز، کوشال مینڈس، رلی روسو، شعیب ملک، فہم اشرف، عقیل حسین، محمد عامر، ابرار احمد اور عثمان طارق شامل ہیں۔
April 04, 2026
26 Apr, 2025
26 Apr, 2025
26 Apr, 2025
26 Apr, 2025
15 Apr, 2025
15 Apr, 2025
15 Apr, 2025
15 Apr, 2025
14 Apr, 2025
13 Apr, 2025
13 Apr, 2025