راؤ دلشاد: پاکستان کی پہلی صوبائی ایئر لائن اور پاکستان کی پہلی بلٹ ٹرین چلانے کیلئے تیار ہیں، وزیراعلیٰ مریم نوازشریف نے”ایئر پنجاب“ پراجیکٹ کی منظوری دے دی۔
تفصیلات کے مطابق پہلی صوبائی ایئر لائن”ایئر پنجاب“کاپراجیکٹ خصوصی اجلاس میں پیش کر دیا گیا ،لاہور سے راولپنڈی بلٹ ٹرین پراجیکٹ کی اصولی منظوری دے دی گئی،ایئرپنجاب کے لئے فوری طور پر چار ا یئر بس لیز پر لینے کا فیصلہ کر لیا،ابتدائی طور پر ”ایئر پنجاب“اندرون ملک ڈومیسٹک پروازیں شروع کرے گی،1سال کاپیریڈ مکمل ہونےکےبعد”ایئر پنجاب“بیرون ملک پروازیں بھی شروع کرسکےگی۔
ایئر پنجاب کے لئے جدید ترین طیارے لیز پر لینے کے لئے فوری انتظامات کا حکم دے دیا،ایئر پنجاب کو ملک کی بہترین ایئر لائن بنانے کیلئے ضروری انتظامات کی ہدایات دی گئی،اجلاس میں لاہور سے راولپنڈی تک پہلی بلٹ ٹرین کے پراجیکٹ پر تفصیلی بریفنگ دی گئی،بلٹ ٹرین کے ذریعے لاہور سے راولپنڈی کے سفر کا دورانیہ تقریباً اڑھائی گھنٹے تک رہ جائے گا، پاکستان ریلوے کے اشتراک سے تیز ترین بلٹ ٹرین چلانے کیلئے مختلف آپشن کا جائزہ لیا گیا۔
وزیراعلیٰ نےسینئروزیرمریم اورنگزیب کو پاکستان ریلوے سے اشتراک کار کا ٹاسک سونپ دیا گیا،بلٹ ٹرین پراجیکٹ کے لئے پبلک پرائیویٹ پارٹنر شپ کے آپشن پر بھی غور کیا گیا،پاکستان کی پہلی بلٹ ٹرین پراجیکٹ کے آغاز کیلئے اقدامات مکمل کرنے کی ہدایات جاری کر دی،وزیراعلیٰ کی زیر صدارت اجلاس میں پنجاب کے مزید 6روٹس پر ہائی سپیڈ ٹرین کیلئے پلان طلب کر لیا۔
لاہور سے شاہدرہ اور نارووال تک ہائی سپیڈ ٹرین چلائی جائے گی،لاہور سے رائیونڈ، قصور، پاکپتن سے لودھراں تک ہائی سپیڈ ٹرین چلے گی،قلعہ شیخوپورہ، جڑانوالہ سے شور کوٹ تک ہائی سپیڈ ٹرین کا روٹ ہوگا،ہائی سپیڈ ٹرین شور کوٹ سے جھنگ اور جھنگ سے سرگودھا چلائی جائے گی،لالہ موسیٰ سے سرگودھا براستہ ملکوال ہائی سپیڈ ٹرین چلائی جائے گی،فیصل آباد سے چک جھمرہ اور شاہین آباد تک ہائی سپیڈ ٹرین کا روٹ ہوگا۔
اجلاس میں لاہور ییلو لائن اور ماس ٹرانزٹ لائن گوجرانوالہ پراجیکٹ کا جائزہ لیاگیا،جناح ٹرمینل ٹھوکر نیاز بیگ تا ہربنس پورہ ییلو لائن پراجیکٹ سٹڈی 30مئی تک مکمل کرنیکی ہدایت دی گئی،گوجرانوالہ ماس ٹرانزٹ لائن کی پراجیکٹ سٹڈی کیلئے 15جون کی ڈیڈ لائن مقرر کر دی،اجلاس میں ای ٹیکسی پراجیکٹ کے بارے میں تفصیلی بریفنگ بھی دی گئی۔