(ندیم خالد) سرگودھا سےلاہور آنےوالی ریسکیو 1122 کی ایمبولینس اور ٹرک میں تصادم ہوا جس کے نتیجے میں دو افرادجاں بحق اور 7 زخمی ہوگئے۔

تفصیلات کے مطابق زندگی ہے تو سب کچھ ہے لیکن تیز رفتاری اور آئے روز ٹریفک حادثات میں اضافے سے ایسے معلوم ہوتا ہے کے شہریوں کو ان کے حوالے کر دیا گیا ہے۔بدلتے دور نے جہاں ہمیں بے شمار ایجادات کے حیرت انگیز نظارے دکھائے وہیں ہمیں سفر طے کرنے کے لئے جدید سواریوں جہاز، ٹرین، بس، کار اور موٹر سائیکل وغیرہ کا بھی تحفہ دیا جو کہ یقیناً ہمارے لیے بہت مُفید ہے کہ ان جدید سواریوں کے ذریعے سے ہم دِنوں کے سفر گھنٹوں اور گھنٹوں کے سفر منٹوں میں طے کرلیتے ہیں, مگر افسوس تیز رفتار  ڈرائیونگ کرنے والوں کے سبب آئے دن لوگ حادثات کا شکار ہوتے رہتے ہیں۔

سرگودھا سےمریض لاہور لانے والی ایمبولینس1122 تیز رفتاری کے باعث بابو صابو انٹر چینج کے قریب ٹرک سے ٹکرا گئی جس سے 2 افراد جاں بحق اور 7 افراد زخمی ہوگئے۔ جاں بحق ہونے والوں میں لیاقت اور جاوید شامل ہیں، جاں بحق ہونے والے افراد کی لاشوں کو مردہ خانے میں جمع کرا دیا گیاجبکہ زخمیوں کو جناح ہسپتال علاج کے لیےمنتقل کر دیا گیا ہے۔

ریسکیو ذرائع کے مطابق حادثہ لاہور داخلے کے قریب پیش آیا،ایک زخمی جو ریسکیو میں ای ایم ٹی ہے کی حالت تشویشناک ہے،ٹریفک حادثے میں مریض کے ساتھ آنے والے2 لواحقین جاں بحق  ہوئے جبکہ حادثےمیں ریسکیو اہلکار سمیت 7 افراد بھی زخمی ہو گئے،ٹریفک حادثہ موٹروے ٹول پلازہ کے قریب پیش آیا۔ آصف، محمود، اشتیاق اور یونس سمیت 7 افراد زخمی ہوئے جنہیں ہسپتال منتقل کر دیا گیا ہے۔

واضح رہے کہ  گزشتہ روزگلدشت ٹاؤن کے قریب رنگ روڈ پر کار اور ٹرالی میں تصادم سے خاتون سمیت 2افراد  جاں بحق ہوگئے تھے۔حادثہ تیز رفتاری کے باعث پیش آیا تھا،  جاں بحق ہونیوالے 2 افراد کی لاشیں مردہ خانے منتقل کر دیا گیا تھا،  جاں بحق افراد کی شناخت 25 سالہ زاہد،23 سالہ صفیہ بی بی کے نام سے ہوئی تھی۔