سٹی 42: باکو، آذربائجان میں دوسرے عالمی سرمایہ کاری فورم کے رکن ممالک کا اجلاس، وزراء اور مندوبین نے شرکت کی ۔
پاکستان سےوفاقی وزیر مواصلات عبدالعلیم خان کی آذربائیجان انٹرنیشنل انویسٹمنٹ فورم میں نمائند گی ،بین الاقوامی رابطوں کے پاکستان کی تجارت اور معاشی مستقبل پر مرتب ہونے والے اثرات کے حوالے سے خصوصی نشست ہوئی ۔
وفاقی وزیر مواصلات عبدالعلیم خان نے کہا عالمگیر معاشی تقاضوں سے نمٹنے کے لیے باہمی تعاون ناگزیر ہے، موجودہ عالمی معاشی و اقتصادی دباؤ سے ہر ملک متاثر ہوا ہے، پاکستان نے حکومتی اخراجات کم کرنے کے لیے سخت اقدامات کیے ہیں ، بحری راستوں میں حالیہ کشیدگی سے کرایوں میں نمایاں اضافہ ہوا ہے،پاکستان علاقائی تجارت کے لیے محفوظ ترین راہداری فراہم کر رہا ہے،
کراچی، پورٹ قاسم اور گوادر کی بندرگاہیں مسلسل فعال ہیں۔
کراچی پورٹ نے سالانہ 54 ملین میٹرک ٹن سے زائد کارگو سنبھالا ، پاکستان علاقائی امن اور کشیدگی کم کرنے میں مثبت کردار ادا کر رہا ہے۔بہتر روابط پاکستان کو علاقائی تجارتی مرکز میں بدل رہے ہیں، پاکستان وسطی ایشیائی ممالک کے لیے سمندری گیٹ وے ہے،پاکستان کی وسطی ایشیائی ممالک کے ساتھ برآمدات میں نمایاں اضافہ ہوا ہے، پاکستان کی قازقستان کے لیے برآمدات 240 ملین ڈالر سے تجاوز کر گئیں۔
ازبکستان کے لیے پاکستان کی برآمدات 118 ملین ڈالر سے بڑھ گئیں، پاکستان، چین، کرغزستان اور قازقستان کا چار فریقی تجارتی معاہدہ فعال ہے۔تجارتی نیٹ ورک میں ازبکستان اور تاجکستان کو بھی شامل کرنے کے لیئے کوشاں ہیں ، آذربائیجان اور پاکستان کے درمیان سالانہ 1500 روڈ پرمٹس کا معاہدہ ہے، ۔آذربائیجان کے ساتھ معاہدے جنوبی ایشیا کو قفقاز سے جوڑتے ہیں، پاکستان داخلی موٹرویز اور تجارتی شاہراؤں کی مسلسل اپ گریڈنگ کر رہا ہے ۔
موٹرویز ایم6 اور ایم 10 ہماری بندرگاہوں کو چین اور وسطی ایشیا تک ڈائریکٹ رسائی میں مدد فراہم کریں گی، شاہراہ ریشم کے متبادل کے طور پر ایم این جے سی موٹروے اہم ہے،انفراسٹرکچر کی ترقی کے لیے پبلک پرائیویٹ پارٹنرشپ پر توجہ مرکوز ہے، ڈیجیٹل کسٹمز اور پیپر لیس نظام سے تجارت آسان بنا رہے ہیں،
سی پیک نیٹ ورک کو ای سی او اور ایس سی او سے منسلک کر رہے ہیں، پینل میں آذربائیجان کے وزیر اقتصادیات میکائیل جباروف اور ترکیہ کے وزیر خزانہ محمد شمشیک نےشرکت کی ۔ ازبکستان، مقدونیہ، شام، تاجکستان اور مونٹی نیگرو کے معاشی وزراء بھی پینل ڈسکشن میں شریک تھے۔