یاسر عرفات: کرکٹر فہیم اشرف کا نکاح سونیا شبیر سے پڑھا دیا گیا ۔ نکاح پیر سید اظہرالحسن المعروف چن پیر نے پڑھایا ۔ فہیم اشرف نے دس ہزار روپے حق مہر دلہن کو ادا کیا۔ شادی کی تقریب میں سینکڑوں عزیز و اقارب اور دوست احباب نے شرکت کی ۔
قومی کرکٹر فہیم اشرف کی بارات نارووال پہنچ گئی ۔
فہیم اشرف کی بارات کا نارووال پہنچنے پر پرجوش استقبال کیا گیا ۔
بارات کا استقبال احسن اقبال ایم پی ایز خواجہ وسیم بٹ ، بلال اکبر خان اور احمد اقبال نے کیا ۔
دلہا فہیم اشرف اور عزیز و اقارب کو پھولوں کے ہارپہنائے گئے ۔
باراتیوں نےبینڈ باجے کی دھنوں پر بھنگڑا ڈالااور نوٹوں کی بارش کر دی۔ فہیم اشرف کی آمد پر پھولوں کی برسات کر دی گئی ۔ قومی کرکٹر کے باراتیوں نے لاکھوں روپے دلہے نچھاور کر دئیے ۔ فہیم اشرف کی بارات میں دیگر قومی کھلاڑیوں نے بھی شرکت کی ۔
دلہن کے والد رانا محمد شبیر نارووال کے معروف بزنس مین ہیں ۔ دلہن سونیا شبیر نے ایم بی اے کی ماسٹر ڈگری حاصل کر رکھی ہے ۔ شادی کی تقریب میں ہر شعبہ زندگی سے تعلق رکھنے والے افراد شامل ہیں ۔